Voorwoord:
'n Woord van dank en met dank aan die Here wat my instaat gestel het om hierdie inligting en bundels saam te stel.
Ek vertrou dat dit vir julle as 'n hulpmiddel tot groei in die Geestelike evangelie sal dien, selfs by die brood breking in die liggaam van Christus, die kerk.
Ek vertrou dat dit julle ook sal help om die Geestelike Lewe te kan verstaan.
Ek stel dan hierdie inligting en bundels gratis en vrylik tot julle beskikking met baie liefde en 'n gevoel van gelukkigheid met vreugde.
Ek vertrou dat hierdie inligting geen kerk of organisasie sal benadeel nie, indien wel, kontak my gerus sodat ek die saak onmiddelik kan uitklaar. Baie dankie.
Daarom doen ek die volgende gebed tot God:
"Ewige God, ons Vader, Jesus Christus ons verlosser en Saligmaker,
om van U af weg te draai, is om ons lewensdoel mis te loop, om U te ken, is om die ewige lewe te kies!
As ons met U gaan, sal ons standhou en die wêreld oorwin, maar as ons U sou verlaat, sal ons ondergaan.
Skenk ons 'n oop verstand, U genade en onsmisbare bystand, elke oomblik en elke dag van ons lewe in die uitvoering
van ons plig teenoor U, U leiding in al ons verwarring, onsekerheid en uit die duisternis, U vrede in al ons droefheid en smart.
Ons wil die onbekende nie sonder U binnegaan nie, hou U ons hand en lei ons veilig na ons ewige bestemming.
Doen dit Heer deur Christus Jesus en U Heilige Gees.
Amen. |
