|
|
Liefde (Lig)
(Na Lig)
1. God is Liefde. 1Joh 4:8,16
2. Die uitnemendheid van die Liefde. Spr 10:12; 1Kor 8:1; 13:1-13; Ef 3:19; Kol 3:14; 1Pet 4:8
3. Die liefde van God vir die wêreld. Joh 3:16; Rom 5:8
Ou Testament
*Genesis 47:29 En toe die dae van Israel nader kom dat hy moes sterwe, het hy sy seun Josef laat roep en vir hom gesê: As
ek nou guns in jou oë gevind het, sit dan tog jou hand onder my heup en bewys my liefde en trou--begrawe my tog nie in
Egipte nie.
*Rut 3:10 En hy sê: Geseënd is jy deur die HERE, my dogter! Jy het jou laaste liefde beter gemaak as die eerste, omdat jy
nie agter jongmanne, arm of ryk, aan geloop het nie.
*Psalms 141:5 & Laat die regverdige my met liefde slaan en my tugtig--hoofsalf sal my hoof nie weier nie; want nog is my
gebed teen hulle booshede.
*Spreuke 3:3 Laat liefde en trou jou nie verlaat nie; bind dit om jou hals, skryf dit op die tafel van jou hart,
*Spreuke 10:12 & Haat verwek twiste, maar liefde bedek al die oortredinge.
*Spreuke 16:6 & Deur liefde en trou word die skuld versoen, en deur die vrees van die HERE wyk 'n mens af van die kwaad.
*Spreuke 17:9 & Wie 'n oortreding bedek, soek liefde; maar hy wat 'n saak weer ophaal, skei vriende van mekaar.
*Hooglied 7:6 Hoe mooi en hoe lieflik is u, o liefde, onder al die genietinge!
*Hooglied 8:6 Dra my soos 'n seëlring op u hart, soos 'n seëlring op u arm; want liefde is sterk soos die dood, die
liefdes-ywer is hard soos die doderyk, sy gloed is 'n gloed van vuur, 'n vlam van die HERE.
*Jeremia 31:3 Die HERE het aan my verskyn uit die verte: Ja, Ek het jou liefgehad met 'n ewige liefde; daarom het Ek jou
getrek met goedertierenheid.
*Esegiël 16:8 En Ek het by jou verbygegaan en jou gesien, en kyk, jou tyd was die tyd van liefde. Toe het Ek my vleuel oor
jou uitgesprei en jou naaktheid toegedek. Ja, Ek het vir jou gesweer en met jou 'n verbond aangegaan, spreek die Here
HERE, en jy het myne geword.
*Hosea 4:1 & Hoor die woord van die HERE, o kinders van Israel! Want die HERE het 'n regsaak met die inwoners van die land, omdat daar geen trou en geen liefde en geen kennis van God in die land is nie.
*Hosea 6:6 Want Ek het 'n behae in liefde en nie in offerande nie, en in kennis van God meer as in brandoffers.
*Hosea 12:6 (12:7) En jy, tot jou God moet jy terugkeer, beoefen liefde en reg, en hoop gedurigdeur op jou God.
*Miga 6:8 Hy het jou bekend gemaak, o mens, wat goed is; en wat vra die HERE van jou anders as om reg te doen en
liefde te betrag en ootmoedig te wandel met jou God?
*Sefanja 3:17 Die HERE jou God is by jou, 'n held wat verlossing skenk. Hy verheug Hom oor jou met blydskap; Hy swyg
in sy liefde; Hy juig oor jou met gejubel.
*Sagaria 7:9 So het die HERE van die leërskare gespreek en gesê: Spreek 'n eerlike vonnis uit en bewys liefde en
barmhartigheid die een aan die ander.
Nuwe Testament
*Matteus 24:12 En omdat die ongeregtigheid vermeerder word, sal die liefde van die meeste verkoel.
*Johannes 5:42 Maar Ek ken julle, dat julle die liefde van God in julle nie het nie.
*Johannes 13:35 Hieraan sal almal weet dat julle my disipels is, as julle liefde onder mekaar het.
*Johannes 15:9 & Soos die Vader My liefgehad het, het Ek julle ook liefgehad. Bly in hierdie liefde van My.
*Johannes 15:10 As julle my gebooie bewaar, sal julle in my liefde bly, net soos Ek die gebooie van my Vader bewaar en in sy liefde bly.
*Johannes 15:13 Groter liefde het niemand as dit nie, dat iemand sy lewe vir sy vriende gee.
*Johannes 17:26 En Ek het u Naam aan hulle bekend gemaak en sal dit bekend maak, sodat die liefde waarmee U My
liefgehad het, in hulle kan wees, en Ek in hulle.
*Romeine 1:31 onverstandig, ontrou, sonder natuurlike liefde, onversoenlik, onbarmhartig,
*Romeine 5:5 en die hoop beskaam nie, omdat die liefde van God in ons harte uitgestort is deur die Heilige Gees wat aan ons gegee is.
*Romeine 5:8 maar God bewys sy liefde tot ons daarin dat Christus vir ons gesterf het toe ons nog sondaars was.
*Romeine 8:35 Wie sal ons skei van die liefde van Christus verdrukking of benoudheid of vervolging of honger of naaktheid of gevaar of swaard?
*Romeine 8:39 of hoogte of diepte of enige ander skepsel ons sal kan skei van die liefde van God wat daar in Christus Jesus, onse Here, is nie.
*Romeine 12:9 Laat die liefde ongeveins wees; verafsku wat sleg is; hang die goeie aan;
*Romeine 12:10 wees hartlik teenoor mekaar met broederlike liefde; die een moet die ander voorgaan in eerbetoning;
*Romeine 13:10 Die liefde doen die naaste geen kwaad nie; daarom is die liefde die vervulling van die wet.
*Romeine 14:15 Maar as jou broeder deur voedsel gegrief word, dan wandel jy nie meer volgens die liefde nie. Moenie deur jou voedsel hom te gronde rig vir wie Christus gesterf het nie.
*Romeine 15:30 & Maar ek vermaan julle, broeders, by onse Here Jesus Christus en by die liefde van die Gees, om saam
met my in die gebede te stry vir my by God,
*1 Korintiërs 4:21 Wat wil julle hê? Moet ek met die roede na julle kom of met liefde en in die gees van sagmoedigheid?
*1 Korintiërs 8:1 & En met betrekking tot die offervleis aan die afgode weet ons dat ons almal kennis het. Die kennis maak opgeblase, maar die liefde stig.
*1 Korintiërs 13:1 & Al sou ek die tale van mense en engele spreek, en ek het nie die liefde nie, dan het ek 'n klinkende metaal of 'n luidende simbaal geword.
*1 Korintiërs 13:2 En al sou ek die gawe van profesie hê en al die geheimenisse weet en al die kennis, en al sou ek al die geloof hê, sodat ek berge kon versit, en ek het nie die liefde nie, dan sou ek niks wees nie.
*1 Korintiërs 13:3 En al sou ek al my goed uitdeel, en al sou ek my liggaam oorgee om verbrand te word, en ek het nie die liefde nie, dan sou dit my niks baat nie.
*1 Korintiërs 13:4 & Die liefde is lankmoedig en vriendelik; die liefde is nie jaloers nie; die liefde praat nie groot nie, is nie opgeblase nie,
*1 Korintiërs 13:8 & Die liefde vergaan nimmermeer; maar profesieë--hulle sal tot niet gaan; of tale--hulle sal ophou; of kennis--dit sal tot niet gaan.
*1 Korintiërs 13:13 En nou bly geloof, hoop, liefde--hierdie drie; maar die grootste hiervan is die liefde.
*1 Korintiërs 14:1 & Jaag die liefde na, en beywer julle met die oog op die geestelike gawes, maar veral om te profeteer.
*1 Korintiërs 16:14 Laat alles by julle in liefde geskied.
*1 Korintiërs 16:24 My liefde met julle almal in Christus Jesus! Amen.
*2 Korintiërs 2:4 Want uit groot verdrukking en benoudheid van hart het ek aan julle geskrywe, onder baie trane, nie dat julle bedroef mag word nie, maar dat julle mag weet van die liefde wat ek oorvloedig vir julle het.
*2 Korintiërs 2:8 Daarom vermaan ek julle om die liefde aan hom te bevestig.
*2 Korintiërs 5:14 Want die liefde van Christus dring ons,
*2 Korintiërs 6:6 in reinheid, in kennis, in lankmoedigheid, in vriendelikheid, in die Heilige Gees, in ongeveinsde liefde;
*2 Korintiërs 8:7 & Maar soos julle in alles oorvloedig is--in geloof en woord en kennis en alle ywer en in julle liefde vir ons--sorg dat julle ook in hierdie liefdedaad oorvloedig is.
*2 Korintiërs 8:8 Ek sê dit nie as 'n bevel nie, maar om deur die ywer van ander ook die egtheid van julle liefde op die proef te stel.
*2 Korintiërs 8:24 Gee dan aan hulle die bewys van julle liefde en van ons roem oor julle, ook voor die gemeentes.
*2 Korintiërs 13:11 & Verder, broeders, wees bly; word volmaak; laat julle vermaan; wees eensgesind; hou vrede, en die God van liefde en vrede sal met julle wees.
*2 Korintiërs 13:14 () Die genade van die Here Jesus Christus en die liefde van God en die gemeenskap van die Heilige
Gees sy met julle almal! Amen.
*Galasiërs 5:6 Want in Christus Jesus het nòg die besnydenis nòg die onbesnedenheid enige krag, maar die geloof wat deur die liefde werk.
*Galasiërs 5:13 & Want julle is tot vryheid geroep, broeders; gebruik net nie julle vryheid as 'n aanleiding vir die vlees nie, maar dien mekaar deur die liefde.
*Galasiërs 5:22 Maar die vrug van die Gees is liefde, blydskap, vrede, lankmoedigheid, vriendelikheid, goedheid,
getrouheid, sagmoedigheid, selfbeheersing.
*Efesiërs 1:4 soos Hy ons in Hom uitverkies het voor die grondlegging van die wêreld om heilig en sonder gebrek voor Hom in liefde te wees,
*Efesiërs 1:15 & Daarom--vandat ek gehoor het van die geloof in die Here Jesus wat onder julle is en die liefde tot al die heiliges--
*Efesiërs 2:4 & Maar God, wat ryk is in barmhartigheid, het ons deur sy grote liefde waarmee Hy ons liefgehad het,
*Efesiërs 3:17 sodat Christus deur die geloof in julle harte kan woon, julle wat in die liefde gewortel en gegrond is,
*Efesiërs 3:19 en die liefde van Christus te ken wat die kennis oortref, sodat julle vervul kan word tot al die volheid van God.
*Efesiërs 4:2 & met alle nederigheid en sagmoedigheid, met lankmoedigheid, terwyl julle mekaar in liefde verdra
*Efesiërs 4:15 maar, terwyl ons in liefde die waarheid betrag, in alles sou opgroei in Hom wat die Hoof is, naamlik Christus,
*Efesiërs 4:16 uit wie die hele liggaam--goed saamgevoeg en saamverbind deur die ondersteuning wat elke lid gee volgens die werking van elke afsonderlike deel in sy mate--die groei van die liggaam bevorder vir sy eie opbouing in liefde.
*Efesiërs 5:2 en wandel in liefde, soos Christus ons ook liefgehad het en Hom vir ons oorgegee het as 'n gawe en offer aan God tot 'n lieflike geur.
*Efesiërs 6:23 Vrede vir die broeders en liefde, met geloof, van God die Vader en die Here Jesus Christus!
*Filippense 1:9 & En dit bid ek dat julle liefde nog meer en meer oorvloedig mag word in kennis en alle ervaring,
*Filippense 1:17 maar die ander uit liefde, omdat hulle weet dat ek bestem is tot die verdediging van die evangelie.
*Filippense 2:1 & As daar dan enige troos in Christus is, as daar enige vertroosting van die liefde, as daar enige gemeenskap van die Gees, as daar enige innige tederheid en ontferming is,
*Filippense 2:2 maak dan my blydskap volkome deur eensgesind te wees en dieselfde liefde te hê, een van siel, een
van sin.
*Kolossense 1:4 omdat ons gehoor het van julle geloof in Christus Jesus en julle liefde tot al die heiliges,
*Kolossense 1:8 wat ook julle liefde in die Gees aan ons te kenne gegee het.
*Kolossense 1:13 Hy wat ons verlos het uit die mag van die duisternis en oorgebring het in die koninkryk van die Seun van sy liefde,
*Kolossense 2:2 dat hulle harte vertroos mag word, deurdat hulle saamgevoeg word in die liefde en tot alle rykdom van die volle versekerdheid van insig, om die verborgenheid te leer ken van God en die Vader en van Christus,
*Kolossense 3:14 En beklee julle bo dit alles met die liefde wat die band van die volmaaktheid is.
*1 Tessalonisens 1:3 en onophoudelik in gedagte hou die werk van julle geloof en die arbeid van julle liefde en die lydsaamheid van julle hoop op onse Here Jesus Christus, voor onse God en Vader,
*1 Tessalonisens 3:6 & Maar nou dat Timótheüs net van julle af by ons aangekom het en ons die goeie tyding van julle geloof en liefde gebring het, en dat julle altyd 'n goeie herinnering aan ons behou en verlang om ons te sien, net soos ons ook vir julle--
*1 Tessalonisens 3:12 en mag die Here julle ryk en oorvloedig maak in liefde vir mekaar en vir almal, soos ons ook teenoor julle is,
*1 Tessalonisens 5:8 Maar laat ons wat van die dag is, nugter wees, met die borswapen van geloof en liefde aan, en as helm die hoop op die saligheid.
*1 Tessalonisens 5:13 en bewys hulle in liefde die hoogste agting ter wille van hulle werk. Hou vrede onder mekaar.
*2 Tessalonisens 1:3 Ons moet God altyd oor julle dank, broeders, soos dit billik is, omdat julle geloof grootliks toeneem en die wederkerige liefde van elkeen van julle almal groter word,
*2 Tessalonisens 2:10 en met allerhande verleiding van ongeregtigheid in die wat verlore gaan, omdat hulle die liefde tot die waarheid nie aangeneem het om gered te word nie.
*2 Tessalonisens 3:5 Mag die Here julle harte rig tot die liefde van God en die lydsaamheid van Christus!
*1 Timoteus 1:5 & Maar die doel van die gebod is liefde uit 'n rein hart en 'n goeie gewete en 'n ongeveinsde geloof
*1 Timoteus 1:14 En die genade van onse Here was baie oorvloedig met geloof en liefde wat in Christus Jesus is.
*1 Timoteus 2:15 Maar sy sal gered word deur kinders te baar, as hulle bly in geloof en liefde en heiligmaking, met ingetoënheid.
*1 Timoteus 4:12 Laat niemand jou jonkheid verag nie, maar wees 'n voorbeeld vir die gelowiges in woord, in wandel, in liefde, in gees, in geloof, in reinheid.
*1 Timoteus 6:11 Maar jy, man van God, vlug van hierdie dinge weg, en jaag ná die geregtigheid, godsaligheid, geloof,
liefde, lydsaamheid, sagmoedigheid.
*2 Timoteus 1:7 Want God het ons nie 'n gees van vreesagtigheid gegee nie, maar van krag en liefde en selfbeheersing.
*2 Timoteus 1:13 Hou as voorbeeld van gesonde woorde dié wat jy van my gehoor het, in die geloof en liefde wat in Christus Jesus is.
*2 Timoteus 2:22 & Maar vlug vir die begeerlikhede van die jonkheid en jaag ná geregtigheid, geloof, liefde, vrede, saam met die wat die Here uit 'n rein hart aanroep.
*2 Timoteus 3:3 sonder natuurlike liefde, onversoenlik, kwaadsprekers, bandeloos, wreed, sonder liefde vir die goeie,
*2 Timoteus 3:10 & Maar jy het my navolger geword in leer, lewenswandel, planne, geloof, lankmoedigheid, liefde, lydsaamheid,
*Titus 2:2 Die ou manne moet nugter wees, waardig, ingetoë, gesond in die geloof, in die liefde, in die lydsaamheid.
*Titus 3:4 Maar toe die goedertierenheid van God, ons Verlosser, en sy liefde tot die mens verskyn het--
*Filemon 1:5 omdat ek van jou liefde en geloof hoor, wat jy met betrekking tot die Here Jesus en al die heiliges het,
*Filemon 1:7 Want ons het groot blydskap en troos oor jou liefde, omdat deur jou, broeder, die harte van die heiliges verkwik is.
*Filemon 1:9 pleit ek liewer ter wille van die liefde. Ek, Paulus, as 'n ou man en nou ook 'n gevangene van Jesus Christus,
*Hebreërs 6:10 Want God is nie onregverdig om julle werk te vergeet nie en die liefde-arbeid wat julle betoon het vir sy Naam, omdat julle die heiliges gedien het en nog dien.
Hebreërs 10:24 en laat ons op mekaar ag gee om tot liefde en goeie werke aan te spoor;
*1 Petrus 4:8 Maar bo alles moet julle mekaar vurig liefhê, want die liefde sal 'n menigte sondes bedek.
*1 Petrus 5:14 Groet mekaar met 'n kus van liefde. Vrede vir julle almal wat in Christus Jesus is! Amen.
*1 Johannes 2:5 Maar elkeen wat sy woord bewaar, in hom het die liefde van God waarlik volmaak geword. Hieraan weet ons dat ons in Hom is.
*1 Johannes 2:15 Moenie die wêreld liefhê of die dinge wat in die wêreld is nie. As iemand die wêreld liefhet, dan is die liefde van die Vader nie in hom nie.
*1 Johannes 3:1 & Kyk wat 'n groot liefde die Vader aan ons bewys het, dat ons kinders van God genoem kan word! Om hierdie rede ken die wêreld ons nie, omdat dit Hom nie geken het nie.
*1 Johannes 3:16 Hieraan het ons die liefde leer ken, dat Hy sy lewe vir ons afgelê het; en ons behoort ons lewe vir die broeders af te lê.
*1 Johannes 3:17 Maar wie die goed van die wêreld het en sy broeder sien gebrek ly en sy hart vir hom toesluit, hoe bly die liefde van God in hom?
*1 Johannes 4:7 & Geliefdes, laat ons mekaar liefhê; want die liefde is uit God, en elkeen wat liefhet, is uit God gebore en ken God.
*1 Johannes 4:8 Hy wat nie liefhet nie, het God nie geken nie, want God is liefde.
*1 Johannes 4:9 Hierin is die liefde van God tot ons geopenbaar, dat God sy eniggebore Seun in die wêreld gestuur het, sodat ons deur Hom kan lewe.
*1 Johannes 4:10 Hierin is die liefde: nie dat ons God liefgehad het nie, maar dat Hy ons liefgehad het en sy Seun gestuur het as 'n versoening vir ons sondes.
*1 Johannes 4:12 Niemand het God ooit aanskou nie. As ons mekaar liefhet, bly God in ons en het sy liefde in ons volmaak geword.
*1 Johannes 4:16 En ons het die liefde wat God tot ons het, leer ken en geglo. God is liefde; en hy wat in die liefde bly, bly in God, en God in hom.
*1 Johannes 4:17 & Hierin het die liefde by ons volmaak geword, dat ons vrymoedigheid kan hê in die oordeelsdag; want soos Hy is, is ons ook in hierdie wêreld.
*1 Johannes 4:18 Daar is geen vrees in die liefde nie; maar die volmaakte liefde dryf die vrees buite, want die vrees sluit straf in, en hy wat vrees, het nie volmaak geword in die liefde nie.
*1 Johannes 5:3 Want dit is die liefde tot God, dat ons sy gebooie bewaar; en sy gebooie is nie swaar nie.
*2 Johannes 1:3 genade, barmhartigheid, vrede sal met julle wees van God die Vader en van die Here Jesus Christus, die Seun van die Vader, in waarheid en liefde.
*2 Johannes 1:6 En dit is die liefde, dat ons wandel volgens sy gebooie. Dit is die gebod soos julle van die begin af gehoor
het dat julle daarin moet wandel.
*3 Johannes 1:6 wat van jou liefde voor die gemeente getuig het. Jy sal goed doen as jy hulle voorthelp op 'n voor God
waardige wyse.
*Judas 1:2 Mag barmhartigheid en vrede en liefde vir julle vermenigvuldig word!
*Judas 1:21 en julleself in die liefde van God bewaar, terwyl julle die barmhartigheid van onse Here Jesus Christus tot die
ewige lewe verwag.
*Openbaring 2:4 Maar Ek het teen jou dat jy jou eerste liefde verlaat het.
*Openbaring 2:19 Ek ken jou werke en liefde en diens en geloof en jou lydsaamheid en jou werke, en dat die laaste meer
is as die eerste.