Hoofstuk 5

Geestelike Dood:

(Terug na Inhoud)

In hierdie hoofstuk gaan ons die "Geestelike dood" beskryf, sodat ons beter verstaan waarom die skrifte vir ons sê dat ons in 'n dood is voordat ons tot bekering kom en dat ons moet ontwaak en verander.

1. Die volgende wys ons wat dit beteken om in die geestelike dood, sonde, die wêreld te wees en wanneer dit so is:

1. 1 Die geestelike dood is om van God vervreemd te wees, m.a.w. om God nie te ken nie, werklik te ken nie - om iemand te ken is om saam met hom te lewe - en dus ook nog nie tot God bekeer is nie.

Efes. 2:19 en 4:18 "mense wat verduister is in die verstand en vervreemd van die lewe van God deur die onkunde wat in hulle is vanweë die verharding van hulle hart;"

1.2 Die geestelike dood is om 'n slaaf van die duiwel te wees, verwys na 1Tim. 3:7; 2Tim 2:26.

1.3 Die geestelike dood is om die vleeslike dinge te bedink en te doen; in Matt 8:22 en Luk. 9:60 lees ons "laat die dooies hul eie dooies begrawe;"

Ons lees in Joh 1:25 "voorwaar, voorwaar Ek sê vir julle, daar kom 'n uur, en dit is nou, wanneer die dode die stem van die Seun van God sal hoor; en die wat dit gehoor het, sal lewe". Hieruit kan ons sien dat wanneer die woord van God (die lewende water) die evangelie tot ons gebring word en ons verstaan en neem dit aan, m.a.w. wanneer ons wedergebore word en tot God bekeer, dan sal ons die opstanding (opstaan en ontwaak uit die dood) deelagtig word en ons sal lewe.

Ons lees in Rom. 6:13 "En moenie julle lede stel tot beskikking van die sonde as werktuie van ongeregtigheid nie, maar stel julleself tot beskikking van God as mense wat uit die dode lewend geword het, en julle lede as werktuie van geregtigheid in die diens van God".

Nou het ons gesien wat dit beteken om in die dood te wees en wat dit beteken om in die lewe te wees, daarom lees ons in die skrifte dat die mense wat nog vleeslik is - die wat die geestelike dinge nie verstaan of nie daarvan kennis dra of bekeer of wedergebore is nie - die bedink vleeslike dinge; daarom wil God ons waarsku sodat ons tot Hom bekeer en 'n geestelike mens word en geestelike dinge bedink. In Rom. 8:6 lees ons "Want die wat die vlees bedink, is dood, maar wat die Gees bedink, is lewe en vrede".

In Gal. 5:16 staan geskrywe "Maar ek sê: Wandel deur die Gees, dan sal julle nooit die begeerlikheid van die vlees volbring nie".

Ons lees ook in vers 24 "Maar die wat aan Christus behoort, het die vlees met sy hartstogte en begeerlikhede gekruisig".

Efes. 2:1-3 "En julle het Hy lewend gemaak, wat dood was deur die misdade en die sondes waarin julle tevore gewandel het volgens die loop van die wêreld, volgens die owerste van mag van die lug, van die gees wat nou in die kinders van die ongehoorsaamheid werk, onder wie ons almal ook vroeër gewandel het in die begeerlikhede van ons vlees toe ons die wil van die vlees en van die sinne gedoen het; en ons was van nature kinders van die toorn net soos ook die ander".

As ons nou Judas vers 10 lees "Maar hierdie mense belaster alles wat hulle nie ken nie: en alles wat hulle, soos die redelose diere, op natuurlike wyse verstaan, daardeur gaan hulle te gronde".

Ek dink dat ons nou baie duidelik kan sien dat ons die geestelike, die dinge van God moet verstaan. Ons moet geestelike mense word om deel van Christus te kan wees sodat God 'n woning in ons kan maak. Ons moet die ou lewe, die ou dinge afsterf en vergeet, ons moet onsself met die nuwe mens beklee wat na God se beeld geskape is sodat ons soos Sy beeld kan lyk.

1.4 Die geestelike dood is om die sonde dien: dit beteken, wanneer jy die sonde doen dan is jy 'n dienskneg van die sonde, so lees Joh 8:34.

Lees ook Hand 8:23; Rom.6:16 en veral vanaf vers 20-23; Rom. 7:23-24; 8:2; lKor. 15:56; Jak. 1:15; 2Pet. 2:19; lJoh. 5:16-17.

Uit al hierdie tekse kan ons sien dat wanneer ons in die sonde (duisternis, die mag van die duiwel) en die vleeslike begeertes gehoorsaam is, ons dan in die dood is.

1.5 Die geestelike dood is om losbandig te Wees: Tim 5:6 "Maar sy wat losbandig is, is lewendig dood".

1.6 Die geestelike dood is om in onkunde en in duisternis te wees: Hieroor het ons al baie gelees, maar ek wil nog 'n paar tekse aanhaal; Ps. 107:10; Jes. 9:1; Matt. 4:16 "die volk wat in die duisternis sit, het 'n groot lig gesien, en die wat sit in die land en skaduwee van die dood, vir hulle het die lig opgegaan".

In Luk. 1:79; Efes. 4:18 "mense wat verduisterd is in die verstand en vervreemd van die lewe van God deur die onkunde wat in hulle is vanweë die verharding van hulle hart"

1.7 Die geestelike dood is om in dooie werke voort te gaan: Rom. 7:5-6 "Want toe ons in die vlees was het die sondige hartstogte wat deur die wet kom, in ons lede gewerk om vir die dood vrugte te dra. Maar nou is ons ontslae van die wet waardeur ons gebonde was, aangesien ons dit afgesterf het, sodat ons dien in die nuwigheid van die gees en nie van die letter nie.

Heb. 9:14 "hoeveel te meer sal die bloed van Christus, wat Homself deur die ewige Gees aan God sonder smet ge-offer het, julle gewete (hart) reinig (maagdelik) van die dooie werke om die lewende God te dien"

2. Christus het die dood en die duiwel tot niet gemaak: Rom.8:2; lKor. 15:21, 26 "Die laaste vyand wat vernietig word, is die dood". en vers 54 "En wanneer hierdie verganklike met onverganklikheid beklee is en hierdie sterflike met onsterflikheid beklee is, dan sal vervul word die woord wat geskrywe is: Die dood is verslind in die oorwinning" en vers 55 "Dood, waar is jou angel? Doderyk, waar is jou oorwinning?

Lees ook 2Tim. 1:10.

3. Om oor te gaan uit die dood in die lewe (die geestelike dood): Eseg 18:32 "Want Ek het geen behae in die dood van hom wat sterwe nie, spreek die Here Here. Bekeer julle dan sal julle lewe". Joh. 5:24 en Joh. 8:51 "Ons weet dat ons oorgegaan het uit die dood in die lewe, omdat ons die broeders liefhet. Hy wat sy broeder nie liefhet nie, bly in die dood".

4. Die geestelike dood is ook die tweede dood, maar ons moet nou nie verward raak deur te sê "Hoe kan ek wat nog nie bekeer of wedergebore is nie dan in die tweede dood wees as ek dan nog nie die eerste gesterwe het nie? Maar dit is heel eenvoudig, want die dood waarin jy is wanneer jy in die duisternis of onkunde is, is presies dieselfde maar die verskil kom nie by die eerste of tweede dood nie, maar by die manier hoe jy daarin beland het. Hierdeur wil ek sê dat ons eers uit die dood moet kom om die ewige lewe deelagtig te word, maar ons moet onsself daarteen bewaar sodat ons nie weer daarin verval nie en nie miskien die kans gegun sal word om ons weer daar uit te kry nie, daarom sal ek 'n paar tekse aanhaal om dit te bevestig.

As ons weer sou terug keer tot die dood van die sonde en ons natuurlike liggaam keer intussen terug tot stof, m.a.w. die lewe verlaat hierdie nuttelose ou liggaam, dan sal dit dalk te laat wees om terug te kan keer na God, want soos die spreekwoord lui -waar die boom val so sal dit bly lê; Sou ons dalk weer die kans kry om ons tot God te bekeer sal ons dit nie kan doen sonder om - soos die skrifte sê - "om Christus weer te Kruisig" nie.

Ek verwys na 'n paar tekse, Open 2: 1 "Wie 'n oor het, laat hom hoor wat die Gees aan die gemeente sê, Die wat oorwin, sal deur die tweede dood geen skade ly nie". M.a.w. as ek 'n geestelike mens geword het en die natuurlike sterfte tree in, dan sal ek in die geestelike toestand bly en in die ewige lewe tot ruste kom. So verwys Open. 20:6 en 14 ook daarna "En die dood en die doderyk is in die poel van die vuur gewerp. Dit is die tweede dood".

Open. 21:8 "Maar wat die vreesagtiges aangaan en die ongelowiges en gruwelikes en moordenaars en towenaars en hoereerders en afgodedienaars en al die leunnaars - hulle deel is in die poel wat brand met vuur en swawel: dit is die tweede dood".

5. Vermaning om op te staan uit die dood: Efes. 5:14 "Ontwaak, jy wat slaap en staan op uit die dood en Christus sal oor jou skyn". In Open. 3:1-3 word ons gewaarsku deur die volgende woorde "bekeer jou as jy nie wakker word nie, sal Ek op jou afkom soos 'n dief, en jy sal nie weet watter uur Ek op jou afkom nie". Ons lees ook in Open. 2:16 "Bekeer jou anders kom Ek gou na jou toe en sal teen hulle oorlog voer met die swaard van my mond".

U kan ook deur gaan na die Geestelike Dood wat vir u meer tekse daaroor gee wat aansluiting vind by hierdie onderwerp, deur net op die woord in blou te kliek.

(Terug na Bo)