Hoofstuk 3

Oog - Sien- Aanskou (Geestelike oog,):

(Terug na Inhoud)

1. Die geestelike of verstandsoog - Pred. 2:14; Luk. 24:45 lees ons "Toe open Hy hulle verstand om die skrifte te verstaan". In Efes. 1:18 kan ons lees dat ons verstand daardie geestelike oog is waarmee ons hierdie geestelike dinge moet waarneem of verstaan; "verligte oë van julle verstand sodat julle kan weet wat die hoop van sy roeping en wat die rykdom van die heerlikheid van sy erfdeel onder die heiliges is"

Ons sê baie keer wanneer iemand iets aan ons verduidelik, dat ons sien wat hy bedoel maar in werklikheid sien ons nie maar ons verstaan wat hy bedoel, daarom noem ons dit ook die verstandsoog of ons geestelike oog.

Dit is belangrik om hierdie verduidelikking te verstaan want die Geestelike dinge moet so ingesien of verstaan word, die Geestelike dinge is net sigbaar vir die geestelike oog; so verwys Job. 6:46.

Dit is ook belangrik, omdat daar aan die geestelike (wedergeborene, die Christen) die Geestelike oog gegee is om die Geestelike dinge te verstaan en te sien. In Matt. 5:8 het Jesus die volgende aan die skares gesê; "Salig is die wat rein van hart is, want hulle sal God sien". Hierdie rein hart is om 'n skoon (maagdelik) gewete te hê, jy sal 'n skoon gewete hê wanneer die wedergeboorte in jou plaasgevind het en jy jou tot God gekeer het.

Lees ook Matt. 13:16-17.

2. As ons nou oorslaan na Luk. 8:10 dan sal ons sien dat daar oor die verborgenhede geskrywe word. Die verborgenhede is alle Geestelike dinge en die Geestelike dinge kan net met die Geestelike oog gesien word. Luk.

8:10 "En Hy antwoord; Aan julle is dit gegee om die verborgenhede van die koninkryk van God te ken; maar aan die ander deur gelykenisse, sodat hulle, terwyl hulle sien, nie sien nie, en terwyl huIle hoor, nie verstaan nie".

Ons lees in die skrifte dat daar aan die mense deur gelykenisse iets verduidelik is sodat hulle dit beter kon verstaan. Lees ook Luk 10:23.

3. Ons het ook hierbo in Matt. 8:10 gelees dat die wat rein van hart is (wedergebore, maagdelik en 'n Christen is) die sal God sien. My vraag is, het jy of kan jy God sien? Kan jy God met jou natuurlike oog sien? Ja en nee!

Ja, jy kan God met jou natuurlike oog sien want God is liefde en jy moet jou naaste liefhê soos jouself. Jy kan God sien want al die goeie dinge wat daar in die skrifte geskrywe is, is eienskappe van God. Daarom as iemand hierdie eienskappe het of openbaar, dan kan jy God in horn sien.

Nee, jy kan God nie met jou natuurlike oog as 'n wese sien nie, want God is Gees.

4. God verwag van ons, as sy diensknegte om hierdie Geestelike dinge wat ons verstaan, aan ander oor te dra of daarvan te getuig. Jy kan alleen van iets getuig as jy dit gesien of verstaan het. So lees ons ook in Joh. 3:11 "Voorwaar, voorwaar Ek sê vir jou, ons spreek wat ons weet en ons getuig van wat ons gesien het, en julle neem ons getuienis nie aan nie".

Lees ook Joh. 14:9 en 19; Heb. 12:23; Kol. 1:9.

5. Wanneer ons nou na Open. 1:7 oorslaan, sal ons lees "Kyk, Hy kom met die wolke, en elke oog sal hom sien'

Hierdie oog is weereens die geestelike oog waarmee ons dit sal waarneem, daarom dan as ons dit met die geestelike oog moet sien en verstaan, dan kan hierdie wolke nie die natuurlike wolk wees nie. Ons kan ook in Heb. 12:1 lees oor die groot wolk, die wolk van getuienis wat ons rondom ons het. Hierdie kan nie 'n natuurlike wolk wees nie.

6. Die natuurlike oog, soos ons nou reeds gesê het, kan die dinge van God nie sien nie. Ons kan in die volgende tekse lees, dat niemand, God met die natuurlike oog kan sien nie, want God is Gees: Mat. 11:27; 23:39; Joh. 1:18; 5:37.

Ons lees in Joh. 14:7 dat Jesus sê "en van nou af ken julle Hom en het julle Hom gesien", dit het Jesus aan Sy

Apostels gesê. Jesus sê in vers 17; "die Gees van die Waarheid wat die wêreld nie kan ontvang nie, omdat dit Hom nie ken nie; maar julle ken horn, omdat Hy by julle bly en in julle sal wees".
7. Ons lees ook in lKor. 2:9 en 14; "Maar die natuurlike mens neem die dinge van die Gees van God nie aan nie; want dit is vir horn dwaasheid, en hy kan dit nie verstaan nie, omdat dit geestelik beoordeel word".

Lees ook 1Pet. 1.8, lJoh. 4:12 en 20.

Die natuurlike mens is die mens wat die geestelike dinge op 'n natuurlike wyse sien of verstaan of wil sien en verstaan. Dit kan ook daardie wees wat nie wedergebore of bekeer is nie. Dit kan ook daardie wees wat nog in die duisternis is of vir wie hierdie geestelike dinge nog duister of onverstaanbaar is.

Die wat met 'n natuurlike oog kyk, sien maar sien ook nie, verstaan maar verstaan ook nie; so lees ons in Jes. 6:9-10; 42:18-20; "Hoor, julle dowes, en kyk julle blindes, om te kan sien. Wie is blind buiten my kneg en doof soos my boodskapper wat ek stuur? Wie is blind soos die vertroude vriend en blind soos die kneg van die Here? Jy het wel baie dinge gesien, daar geen ag op gegee nie; die ore oop gehad, maar jy hoor nie"

Lees ook in Jer. 5:20

Ons kan in Mat 13:13-15 ook baie duidelik sien hoekom dit so is dat sommige die geestelike met die natuurlike oog probeer sien.

Lees ook Mark. 8:17-18; Luk. 8:10-11; Hand. 28:26; Rom. 11:8.

8. Deur Christus (die liggaam, gemeente, kerk) sal die wat nie sien nie, sien, en die wat sien blind word; So lees ons in Joh. 9:39; 1Kor. 1:19-20; 3:18-20.

9. Die skrifte verwys ook op verskeie plekke na die wêreld, hierdie wêreld is nie die natuurlike aarde nie maar die mense wat sonder God lewe, rn.a.w. die goddelose, of die wat nog in die duisternis is, as ook my eie wil en begeertes. Hierdie goddelose sal en kan God nie sien nie: lJoh. 3:6 "Elkeen wat in Hom bly, sondig nie. Elkeen wat sondig, het hom nie gesien en ken Hom nie".

Lees ook 3Joh.vers 11.

Die wêreld, wat ons ook beskryf het, sal Christus nie sien nie: Joh. 14:19; "Nog 'n klein tydjie, en die wêreld sien My nie meer nie, maar julle sien My, omdat Ek lewe en julle sal lewe".

10. Die Apostels en gelowiges (die wedergeborenes), die wat tot God gekeer het, het Christus gesien; verwys na Mal. 28:16-20; Mark. 16:9-21, Luk. 9:32 en veral Joh. 1:14.

Ons lees in lJoh 1.1-3 van hierdie Woord, wat God is, wat geopenbaar is. Iets wat geopenbaar is, is iets wat oopgemaak of bekend gemaak is. Die bedekking of sluier is weggeneem.

Ons lees ook van Sy verskyning - wat 'n openbaring is - in Luk. 24:13-53; 1Kor. 15:4-8.

11. Die wat opreg, eerlik is en reg lewe en ook reg wandel soos opregte bekeerdes en wedergeborenes, sal God sien.

Ps. 11:7 'Want die Here is regverdig; Hy het geregtigheid lief die opregtes sal Sy aangesig sien". Matt. 5:8 "Salig is die wat rein van hart (, maagdelik, skoon gewete) is, want hulle sal God sien". Lees ook 1Joh. 3:2.

12. Die koninkryk van God (die hemel, Sy bly plek, Sy woning en plek waar Hy regeer) wat 'n Geestelike plek ('n geestelike ding) is, sal dus ook nie met die natuurlike oog gesien kan word nie. Ons lees in Luk. 17:20, dat die koms van die koninkryk van God nie sigbaar sal wees nie. "Die koninkryk van God kom nie met sigbare tekens nie". Ons lees verder in vers 21 "want die koninkryk van God is binne-in julle".

13. Die wat die koms van die koninkryk aanskou sal dit met die oog van die verstand sien, m.a.w. die geestelike oog; dit is dus wel belangrik om die koms te sien plaasvind; Mat. 16:28 lees soos volg; "Voorwaar Ek sê vir julle, daar is sommige van die wat hier staan, wat die dood sekerlik nie sal smaak voordat hulle die Seun van die mens in Sy koninkryk sien kom het nie"

Ons moet onthou dat Jesus hierdie woorde aan sy dissipels en ander van daardie tyd gespreek het, en daardie mense bestaan vandag nie meer nie. D.w.s. daardie mense moes die Seun van die mens sien kom het, Dit is dus verstaanbaar, want ons het dan in Par. 10 en hierbo gesien dat die koninkryk van God binne-in ons is. Daarom kan ons sê dat hierdie tekens wat die skrifte gee, wat die koms van die koninkryk sal bepaal, geestelike tekens is want in Par. 10 het ons in Luk. 17:20 gelees dat die koms van die koninkryk van God nie met sigbare tekens sal kom nie.

Daarom sê die skrifte "Waak dan, omdat julle nie weet watter uur julle Here kom nie", en dit geld vir die mense wat die koms van die koninkryk van God nog nie aanskou het nie en ook nie verstaan dat die koninkryk van God binne-in hom of haar is nie.

Ons wat die koninkryk sien kom het, kan dus daarvan getuig.

Volgens Mark 9:1 lees ons dat die koninkryk met krag sal kom.

13. Ons kan in Heb 11:3 gaan lees van die sienlike en onsienlike dinge.

U kan ook deur gaan na die Oog wat vir u meer tekse daaroor gee wat aansluiting vind by hierdie onderwerp, deur net op die woord in blou te kliek.

(Terug na Bo)