Hoofstuk 20

Skeiding van Waters:

U kan ook deur gaan na die Waters wat vir u meer tekse daaroor gee wat aansluiting vind by hierdie onderwerp, deur net op die woord in blou te kliek.

Die volgende teks is baie belangrik omdat ons die Bybel gekry het, nie as 'n geskiedenisboek nie maar as 'n boek wat ons vandag moet gebruik en in ons lewe van toepassing maak, ander dien dit geen doel nie. Hierdie boek is dan ook vir ons 'n padkaart tot saligheid en die ewige lewe, m.a.w. tot God. So moet ons dan ook die volgende teks mooi lees en verstaan en die skrifte ooreenkomstig dit lees en toepas.

1Kor 2:13-14

13 Daarvan spreek ons ook, nie met woorde wat die menslike wysheid leer nie, maar met dié wat die Heilige Gees leer, sodat ons geestelike dinge met geestelike vergelyk.

14 Maar die natuurlike mens neem die dinge van die Gees van God nie aan nie; want dit is vir hom dwaasheid, en hy kan dit nie verstaan nie, omdat dit geestelik beoordeel word.

Om mee te begin, kom ons blaai na Gen 2 en kyk wat staan daar geskrywe.

Gen 2:1-3

1 ¶ So is dan voltooi die hemel en die aarde met hulle ganse leërmag.

Lees veral die 2de vers:

2 En God het op die sewende dag sy werk voltooi wat Hy gemaak het, en op die sewende dag gerus van al sy werk wat Hy gemaak het.

3 En God het die sewende dag geseën en dit geheilig, omdat Hy daarop gerus het van al sy werk wat God geskape het deur dit te maak.

Ons sien dat dit God sewe dae geneem het om Sy werk te voltooi en nie ses dae soos ons aanvanklik aangeneem het nie. God het eers sy werk op die 7de dag voltooi voordat Hy gerus het en vers 5 wys dan dat daar nog geen mens was om die grond, die aarde te bewerk nie maar daarom het Hy in Gen 1:27 die mens na Sy beeld geskape 'n geestelike mens want Joh 4:24 wys dat God Gees is.

Nou wys Gen 2:6 " Maar 'n mis het opgetrek uit die aarde en die hele aardbodem bevogtig.

7 En die HERE God het die mens geformeer uit die stof van die aarde en in sy neus die asem van die lewe geblaas. So het dan die mens 'n lewende siel geword.

8 ¶ Ook het die HERE God 'n tuin geplant in Eden, in die Ooste, en daar aan die mens wat Hy geformeer het, 'n plek gegee."

Ons sien Joh 4:24 dat God Gees is, m.a.w. God het op die sesde dag die geestelike mens geskape, wat na Sy beeld en gelykenis is. Hier in Gen 2 vind ons dus nou meer 'n volledige beskrywing hoe God te werk gegaan het met die skepping van die geestelike mens wat later die naam Adam ontvang het.

Hierdie mis, wat sou dit beteken? Ja, die aarde is mos die verstand van die mens, en die mis? Ons ken almal mis, eerstens belemmer dit 'n mens se sig, dit is ook vogtig en dus 'n vorm van water. Hierdie mis, beteken geestelik dat daar nou vrae, ander vrae by my opkom oor dinge wat ek nog nie verstaan nie, selfs dinge waarons reeds gesels het, verwarring bestaan, dit belemmer my sigbaarheid, verstaanbaarheid is nie so duidelik nie maar daar kom tog vogtigheid, water wat die aarde benat en die grond my verstand begin inneem. Jy probeer om nou self ander verborgenhede van die skrifte te verklaar, maar nou raak jy deurmekaar alhoewel daar dus tog 'n mate van verstaanbaarheid by my, ek moet net nie verwag om alles gelyktydig te wil verstaan nie, gee dit tyd en werk dit stadig deur. Daar is ook twyfel nou by jou maar jy kry tog die geleentheid om hierdie vrae te vra vir opklaring. Die antwoorde wat jy dan kry, en bedek dus die aardbodem en bevogtig dit, m.a.w. die antwoorde is 'n vorm van water.

Ons sien dat daar in Gen 1:2 " En die aarde was woes en leeg, en duisternis was op die wêreldvloed, en die Gees van God het gesweef op die waters." staan dat die Gees van God gesweef het oor die waters - waters is in 'n meervoud vorm, daar was dus geen aarde sigbaar waar Hy tot ruste kon kom nie. Daarom maak Hy dan eers skeiding tussen die waters. Gen 1:6 ¶ "En God het gesê: Laat daar 'n uitspansel wees tussen die waters, en laat dit skeiding maak tussen waters en waters. Vers 7 God het toe die uitspansel gemaak en die waters wat onder die uitspansel is, geskei van die waters wat bo die uitspansel is. En dit was so. Vers 8 En God het die uitspansel hemel genoem. En dit was aand en dit was môre, die tweede dag. Vers 9 ¶ En God het gesê: Laat die waters onder die hemel hulle op een plek versamel, sodat die droë grond sigbaar word. En dit was so. Vers 10 En God het die droë grond aarde genoem, en die versameling van die waters het Hy see genoem. Toe sien God dat dit goed was. Vers 11 En God het gesê: Laat die aarde voortbring grasspruitjies, plante wat saad gee en bome wat, volgens hulle soorte, vrugte dra, waarin hulle saad is, op die aarde. En dit was so. Vers 12 Die aarde het voortgebring grasspruitjies, plante wat saad gee volgens hulle soorte en bome wat vrugte dra, waarin hulle saad is, volgens hulle soorte. Toe sien God dat dit goed was." Kom ons bly eers net by die waters. God maak skeiding tussen waters en waters, skeiding tussen watter waters en waters, m.a.w. daar moet dus meer as een soortige waters wees waarvan die skrifte ons nou vertel. God laat waters bokant die uitspansel, wat hemel genoem word maar laat ook waters onder die uitspansel, ook laat Hy hierdie waters onder die uitspansel of hemel, saam trek na een plek sodat die grond sigbaar word en Hy noem hierdie waters die see en die grond noem Hy aarde.

As die aarde - grond - dan nou die verstand is, wat is die waters dan nou? Want hierdie waters het dan eers die verstand bedek, m.a.w. toegemaak en dit kon nie bewerk word nie. Nou het God skeiding gemaak tussen waters en waters. Wat is dan die waters wat my verstand bedek het?

Kom ons lees Spr 18:4 "Die woorde van 'n man se mond is diep waters, 'n stroom wat bruis, 'n fontein van wysheid" Ja hierdie woorde van God is woorde van waters, van evangelie soos strome wat in Joh 7:38 verwys word "Hy wat in My glo, soos die Skrif sê: strome van lewende water sal uit sy binneste vloei.", hierdie lewende waters, die evangelie sal uit jou binneste vloei, jou beker sal oorloop en jy sal nooit weer dors word nie, sê Joh 4: 14 " maar elkeen wat drink van die water wat Ek hom sal gee, sal in ewigheid nooit dors kry nie, maar die water wat Ek hom sal gee, sal in hom word 'n fontein van water wat opspring tot in die ewige lewe." Ja, van hierdie evangeliese water wat ek ontvang, die verstaanbaarheid, sal bly en ek sal nooit weer dors kry daarna nie, want ek verstaan dit dan. Lees Luk 8 oor die gelykenis van die saaier.

Die bewys is dat die water, woorde is van die evangelie van God. Die evangelie het dus my verstand ontvanklik gemaak soos ons alreeds gesien het by die gelykenis van die saaier.

Die waters bokant die uitspansel is die evangelie waters en die onder die uitspansel die waters, die see van tale tonge en geslagte, waarvan ons weer oor sal gesels. Ons kan nou sê dat die antwoorde, water en evangelie, my as aardse mens insig, lig en verstaanbaarheid, gegee het in die verborgenhede van God. Die verskillende evangelies, verskillende antwoorde en sienwyses het my so deurmekaar gemaak. Die aarde, my verstand, was geheel en al bedek met hierdie sienswyse dat die gees van God, die waarheid, nie 'n rusplek kon vind nie. Daarom was dit nodig dat God die skeiding gemaak het tussen waters en waters sodat ek kon onderskei tussen die aardse en die hemelse, die natuurlike en die geestelike.

Kom ons beweeg nou na die Koninkryk (Hemel) wat in hierdie reeks van artikels is of u kan ook na die opklaring van die Hemel by Hoofstuk 15 gaan kyk.

(Terug na Bo)