Hoofstuk 19

Skepping van lig:

U kan ook deur gaan na die Lig wat vir u meer tekse daaroor gee wat aansluiting vind by hierdie onderwerp, deur net op die woord in blou te kliek.

( Terug na Inhoud )

Die volgende teks is baie belangrik omdat ons die Bybel gekry het, nie as 'n geskiedenisboek nie maar as 'n boek wat ons vandag moet gebruik en in ons lewe van toepassing maak, ander dien dit geen doel nie. Hierdie boek is dan ook vir ons 'n padkaart tot saligheid en die ewige lewe, m.a.w. tot God. So moet ons dan ook die volgende teks mooi lees en verstaan en die skrifte ooreenkomstig dit lees en toepas.

1Kor 2:13-14

13 Daarvan spreek ons ook, nie met woorde wat die menslike wysheid leer nie, maar met dié wat die Heilige Gees leer, sodat ons geestelike dinge met geestelike vergelyk.

14 Maar die natuurlike mens neem die dinge van die Gees van God nie aan nie; want dit is vir hom dwaasheid, en hy kan dit nie verstaan nie, omdat dit geestelik beoordeel word.

Gen 1:3 " En God het gesê: Laat daar lig wees! En daar was lig. Vers 4 Toe sien God dat die lig goed was. En God het skeiding gemaak tussen die lig en die duisternis; vers 5 en God het die lig dag genoem, en die duisternis het Hy nag genoem. En dit was aand en dit was môre, die eerste dag."

Ons sien dat God skep hier lig en dat Hy skeiding maak tussen lig en duisternis maar gaan lees vers 14 " En God het gesê: Laat daar ligte wees aan die uitspansel van die hemel, om skeiding te maak tussen die dag en die nag; en laat hulle dien as tekens sowel vir vaste tye, asook vir dae sowel as jare. Vers 15 Laat hulle ook dien as ligte aan die uitspansel van die hemel om lig te gee op die aarde. En dit was so. Vers 16 God het toe die twee groot ligte gemaak: die groot lig om te heers oor die dag en die klein lig om te heers oor die nag; ook die sterre."

Hoe dan nou so? God het dan klaar lig gemaak en nou eers maak hy die son maan en sterre. Dit bewys vir ons dat die lig wat God op die eerste dag gemaak het, nie dieselfde lig was wat ons van die son maan en sterre ontvang nie.

Kom ons kyk wat is die verskil en wat is die verklaring in die bybel daarvoor. Gaan na Ef 1:18 " verligte oë van julle verstand, - het ons verstand dan oë? - sodat julle kan weet wat die hoop van sy roeping en wat die rykdom van die heerlikheid van sy erfdeel onder die heiliges is;" Ons het by die skepping van die aarde gesien dat daar verwys is na die aarde wat verlig is in Eseg 43:2 en toe het ons verduidelik dat die verligting beteken, verhelder. En nou sien ons dat ons verstand ook nou weereens verlig word. Dit beteken dat ons iets verstaan of dat iets by ons verstaanbaar word. So sien ons dan ook in Ef 5: 13 " Maar al die dinge wat deur die lig bestraf word, word openbaar; want alles wat openbaar word, is lig." m.a.w. openbaar beteken bekend word, duidelik word, oop gemaak word, verstaan word. So staan dit dan ook geskrywe in Ps 119:130 "Die opening van u woorde gee lig; dit maak die eenvoudiges verstandig." Ja, woorde gee lig, dit bring verstaanbaarheid tot ons deur daaroor te praat m.a.w brood te breek. As iemand iets aan my verduidelik dan sê ons baie keer, ja, ek sien maar ek sien nie, ek verstaan, dit meen dat ek lig sien ten opsigte van die betrokke saak. En maak ons dus daardeur verstandig sodat ons dan die regte pad kan kies en volg, dus lig beteken dus verstaanbaarheid, soos Spr 4:18 verduidelik "Terwyl die pad van die regverdiges is soos die lig van die môreglans, wat al helderder word tot die volle dag toe, vers 19 is die weg van die goddelose soos duisternis: hulle weet nie waaroor hulle sal struikel nie. Dus is dit sekerlik nie nodig om die duisternis te verduidelik nie want dit is die teenoorgestelde van lig. Vers 20 ¶ My seun, luister na wat ek sê, neig jou oor tot my woorde, vers 21 laat hulle nie wyk uit jou oë nie, bewaar hulle binne-in jou hart." Ja, hierdie woorde van God bring verstaanbaarheid tot ons sodat ons die aardse natuurlike mens na 'n hemelse geestelike kan verander. So kan ons dan sê dat deur die lig wat geskep is, die verstaanbaarheid is wat vir ons geopenbaar is, dit wat ons nie in die skrifte verstaan nie, nou opgeklaar word, daar waar dit nog duisternis in my verstand is word nou lig gebring.

Dan kan ons soos die bybel in 1Kor 15:49 sê " En soos ons die beeld van die aardse gedra het, so sal ons ook die beeld van die hemelse dra. Vers 50 Maar dit verklaar ek, broeders, dat vlees en bloed die koninkryk van God nie kan beërwe nie; ook beërwe die verganklikheid nie die onverganklikheid nie.” Ons moet dus geestelik verander word, want God is Gees en dit is nie die natuurlike liggaam wat die koninkryk sal beërwe nie maar my siel (wat geestelik is) wat aan God behoort.

So is dan die lig en duisternis van mekaar geskei waarvan Gen 1:4 ons dan vertel. Maar as u ook mooi lees sal u sien dat dit eers aand en dan môre is. Waarom sou dit dan so wees? As u 'n natuurlike gelykenis vat, u beweeg vanuit 'n baie donker omgewing, u het byvoorbeeld wakker geword, u maak oë oop en dit is pik donker, sit skielik die lig aan, wat gebeur? U kan nie sien nie want die lig is te skerp, dit verblind u want u oë is die lig nie gewoond nie. So werk dit ook in hierdie geval, dit is eers donker maar voor die lig verskyn is die maan daar wat 'n sagte, ligte lig veroorsaak, hierdie lig maak die oë nie seer nie en u kan wel 'n bietjie sien. Dit werk ook net so met die geestelike dinge, die diep donkerte van ons verstaanbaarheid word verbreek met die sagte ligte geestelikheid voordat dieper en skerper geestelikheid vir u gebring word, sodat u nie daardeur verblind moet word en dalk nooit sal sien of verstaan nie. Want dit is wat in Jes 59:10 gesê word " Ons tas rond langs die muur soos blindes, en soos die wat geen oë het nie, tas ons rond; ons struikel op die middag soos in die skemeraand; ons is onder die gesondes soos dooie mense.". Nog 'n ander mooi voorbeeld is waar Saulus (Paulus) bekeer is en die skerp lig hom verblind het in Hand 9. Die aardse mens was in die duisternis ten opsigte van die heerlikheid van God en die maan se lig moes eers vir hom skyn. Dit is die opklaring van die bybel vanaf Genesis 1 tot Openbaring, die laaste hoofstuk, terwyl die son van geregtigheid, Christus (Mal 4:2 en Ps 84:11) eers later vir die aardse mens sal opgaan. Dit sal hom vermaan en tereg wys ten opsigte van sy goddelike verpligtinge. Die beloftes wat hy maak tydens opname in die kerk, die voorstelling of bevestiging van die jeuglid. Indien hy, die mens vermaan word nog voordat hy die skrifte verstaan, sal hy volgens Jes 59:10, want hy sal nie weet waaromtrent die dinge gaan nie

Kom ons lees ook 2Kor 4:3- 4 "3 Maar as ons evangelie dan nog bedek is, is dit bedek in die wat verlore gaan, vers 4 naamlik die ongelowiges in wie die god van hierdie wêreld die sinne verblind het, sodat die verligting van die evangelie van die heerlikheid van Christus, wat die beeld van God is, op hulle nie sou skyn nie." Hier kan ons ook nou sien dat die evangelie van God bring lig, en God is lig, verligting, verstaanbaarheid, want hierdie evangelie is dan ook lig wat op ons skyn en dit skyn die beeld van God, wat ook lig is, om ons. So kan ons sien dat hierdie Christus en beeld wat op ons skyn die ewebeeld van God is, 1Joh 1:4-5 " En dit is die verkondiging wat ons van Hom gehoor het en aan julle verkondig: God is lig, en geen duisternis is in Hom nie. Vers 6 As ons sê dat ons met Hom gemeenskap het en in die duisternis wandel, dan lieg ons en doen nie die waarheid nie. Vers 7 Maar as ons in die lig wandel soos Hy in die lig is, dan het ons gemeenskap met mekaar; en die bloed van Jesus Christus, sy Seun, reinig ons van alle sonde"

Ons kan nou ook sien en verstaan dat Joh 1:1 " In die begin was die Woord, en die Woord was by God, en die Woord was God. Vers 2 Hy was in die begin by God.” wat die woord, wat God is en ook die evangelie is, wat vir ons die lig, die verstaanbaarheid bring.

Ons kan weereens terug gaan na Gen 2:5 en daar gaan lees dat daar geen mense was om die aarde te bewerk nie. Hou ingedagte dat die aarde dan nou die mens of verstand van die mens is wat bewerk, skoon gemaak word.

Laat ons eers by Gen 2: 1-3 lees.

Gaan nou na Skeiding van Waters deur op die blou gedeelte te kliek.

( Terug na Bo )