|
|
(Terug na Inhoud)
Ou Testament
*Eksodus 30:35 en maak daar reukwerk van, 'n mengsel soos die salfmenger dit maak, met sout gemeng, suiwer, heilig.
*Levitikus 2:13 En jy moet al jou spysoffers met sout berei, en jy mag die sout van die verbond van jou God by jou
spysoffer nie laat ontbreek nie; by al jou offers moet jy sout bring.
*Deuteronomium 29:23 ook swawel en sout deurdat sy hele oppervlakte uitgebrand is, wat nie besaai word en niks laat
uitspruit nie, waarin hoegenaamd geen plante opslaan nie, soos die omkering van Sodom en Gomorra, Adma en Sebóim wat
die HERE in sy toorn en in sy grimmigheid omgekeer het--
*Rigters 9:45 En Abiméleg het daardie hele dag teen die stad geveg en die stad ingeneem en die mense wat daarin was,
gedood en die stad afgebreek en dit met sout besaai.
*2 Konings 2:20 En hy antwoord: Bring vir my 'n nuwe skottel en gooi daar sout in. En hulle het dit na hom gebring.
*2 Konings 2:21 Daarop gaan hy uit na die plek waar die water uitkom en gooi die sout daarin en sê: So spreek die HERE:
Ek het dié water gesond gemaak; daar sal geen dood of onvrugbaarheid meer van kom nie.
*Esra 4:14 Aangesien ons nou die sout van die paleis geëet het en dit ons nie pas om die smaad van die koning aan te sien nie, daarom stuur ons en laat die koning weet,
*Esra 6:9 En wat nodig is, jong bulle sowel as ramme en lammers vir brandoffers aan die God van die hemel, koring, sout, wyn en olie moet aan hulle volgens opgawe van die priesters in Jerusalem sonder versuim dag vir dag gelewer word,
*Esra 7:22 tot honderd talente silwer en tot honderd kor koring en tot honderd bat wyn en tot honderd bat olie toe en sout
sonder beperking.
*Job 6:6 Word iets wat laf is, sonder sout geëet? Of is daar smaak in die wit van 'n eier?
*Jesaja 30:24 en die osse en die esels wat die grond bewerk, sal voer met sout eet, wat uitgewan is met skop en gaffel;
*Esegiël 16:4 En wat jou geboorte aangaan--die dag toe jy gebore is, is jou nawelstring nie afgesny nie; en jy is nie met water gewas om jou te reinig nie; ook is jy nie met sout ingevrywe of in doeke toegedraai nie.
*Esegiël 43:24 En jy moet hulle bring voor die aangesig van die HERE; en die priesters moet sout daarop strooi en dit as brandoffer aan die HERE bring.
*Esegiël 47:11 Die moerasse en kuile daarvan--húlle sal nie gesond word nie: vir sout is hulle bestem.
Nuwe Testament
*Matteus 5:13 & Julle is die sout van die aarde, maar as die sout laf geword het, waarmee sal dit gesout word? Dit
deug nêrens meer voor as om buite gegooi en deur die mense vertrap te word nie.
*Markus 9:49 Want elkeen sal met vuur gesout word en elke offerande sal met sout gesout word.
*Markus 9:50 Die sout is goed, maar as die sout souteloos word, waarmee sal julle dit smaaklik maak? Julle moet
sout in julle hê en vrede hou met mekaar.
*Lukas 14:34 Die sout is goed, maar as die sout laf geword het, waarmee sal dit smaaklik gemaak word?
(Gaan na Vuur - vir oplossing)
*Kolossense 4:6 Laat julle woord altyd aangenaam wees, met sout besprinkel, sodat julle kan weet hoe julle iedereen
moet antwoord.
(Terug na Bo)