Hoofstuk 4

Geestelike Dinge:

(Terug na Inhoud)

Ons het nou al baie oor die geestelike dinge gepraat en het ook al 'n paar van hierdie geestelike dinge gesien en bespreek, maar ek wil nou 'n bietjie meer duidelikheid daaroor gee:

1. Ons moet die Gees van God hê, m.a.w die Gees van God moet in ons wees want die wat die Gees van God nie het, bedink nie die geestelike dinge nie, rn.a.w. kan die geestelike dinge nie verstaan nie. Ons lees in Rom. 8:5 "Want die wat vleeslik is, bedink vleeslike dinge, maar die wat geestelik is, geestelike dinge. Want die wat die vlees bedink is die dood (verkeer in die dood - vlees), maar wat die gees bedink, is lewe en vrede",

Ons lees ook lKor. 2:14 "Maar die natuurlike mens neem die dinge van die Gees nie aan nie; want dit is vir hom dwaasheid, en hy kan dit nie verstaan nie, omdat dit geestelik be-oordeel word".

As ons nou na Gal. 5:19 en 22 gaan, dan sal ons sien wat die werke van die vlees openbaar en wat die vrug van die Gees is. Ons kan ook na Kol. 1:9 gaan kyk, daar sal ons lees dat ons moet vra (bid) om met die kennis en alle wysheid en geestelike insig vervul moet word.

2. Die wat die Gees van God het, vergelyk geestelike dinge met geestelike dinge. lKor. 2:13-14 "Daarvan spreek ons ook, nie met woorde wat die menslike wysheid leer nie, maar met die wat die Heilige Gees leer, sodat ons geestelike dinge met geestelike vergelyk. Maar die natuurlike mens neem die dinge van die Gees van God nie aan nie; want dit is vir hom dwaasheid, en hy kan dit nie verstaan nie, omdat dit geestelik be-oordeel word".

Ons moet sommer ook na 2Kor. 4:16-18, blaai, dan sal ons in vers 18 lees; "omdat ons nie let op die sigbare dinge nie, maar op die onsigbare; want die sigbare dinge is tydelik, maar die onsigbare ewig".

3. In Hoofstuk 3 par. 3 het ons oor die verborgenhede gepraat waarvan in Luk. 8:10 geskrywe is. Nou gaan ons hierdie verborgenhede verder bespreek.

Die geestelike dinge, is die verborgenhede van die evangelie: Paulus sê in Efes. 6:19 dat die verborgenhede van die evangelie bekend gemaak word.

En verder in Kol. 1:26-27 "naamlik die verborgenheid wat van die eeue en geslagte af verborge was, maar nou geopenbaar is aan Sy heiliges. Aan wie God wou bekend maak wat die rykdom van die heerlikheid van hierdie verborgenheid onder die heidene is, dit is Christus onder julle, die hoop van die heerlikheid"

Ek verwys ook na Kol. 4:3-4.

Ons kan ook baie duidelik in Rom. 16:25-26 lees dat die verborgenhede deur die profetiese skrifte bekend gemaak is.

Lees ook Efes. 1:9; 3:3-5 en 9.

4. Ons kan uit par. 3 aflei dat Christus hierdie verborgenhede aan die heiliges (bekeerdes en wedergeborenes) geopenbaar of bekend gemaak het.

Ons kan in Matt. 11:25 gaan lees dat die verborgenhede vir alle wyses en verstandiges verberg is, dit is net aan die kindertjies geopenbaar. Hierdie kindertjies waarvan die skrifte praat verwys nie na die natuurlike kind nie maar na die kinders van God. Die skrifte verwys na daardie wat nou so gehoorsaam geword het soos 'n kind.

Lees ook Mark. 4:11; Luk. 8:10; 10:21.

In Luk. 24:45 "Toe open Hy hulle verstand om die skrifte te verstaan". D.w.s. die skrifte was verborge maar dit is geopen sodat dit verstaan kan word, maar vir baie is dit nog geslote omdat die geestelike dinge vir hulle nog onverstaanbaar is, of miskien net gedeeltes daarvan.

5. Diegene wat die dinge van die Gees op die natuurlike wyse verstaan, gaan daardeur te gronde, m a w die mense wat die geestelike dinge op 'n natuurlike wyse probeer verstaan sal dit nooit verstaan nie en sal altyd in onkunde en duisternis lewe.

2Kor. 3:14-18 "Maar hulle sinne is verhard. Want tot vandag toe bly die lesing van die Ou Testament dieselfde bedekking sonder dat dit opgelig word, die bedekking wat in Christus vernietig word. Ja, tot vandag toe, wanneer Moses gelees word, lê daar 'n bedekking oor hulle hart; maar wanneer hulle tot die Here bekeer is, word die bedekking weggeneem. Die Here is die Gees, en waar die Gees van die Here is, daar is vryheid. En terwyl ons almal met onbedekte gesig soos in 'n spieël die heerlikheid van die Here aanskou, word ons van gedaante verander na dieselfde beeld, van heerlikheid tot heerlikheid, as deur die Here wat die Gees is".

Uit hierdie gedeelte kan ons duidelik sien dat wanneer ons, ons tot die Here bekeer (die wedergeboorte ondergaan) en onsself met Christus beklee ons die ou mens en sy begeertes afgesterf het) daardie bedekking (die duisternis, die onverstaanbaarheid) weggeneem word. Want dan het ons 'n geestelike mens geword en ons kan dus nou die geestelike dinge aanskou en verstaan, want ons het nou 'n nuwe mens geword, ons het dus nou van gedaante verander.

Ons kan ook sê dat ons nou na die beeld van God geskape is. Lees ook hiermee saam 2Kor. 4:34.

Judas vers 10 sê vir ons dat die mense wat nog hierdie bedekking oor hulle het, hulle wat hulle nie tot God bekeer nie, dat hulle alles belaster wat hulle nie ken nie; en alles wat hulle soos die redelose diere op natuurlike wyse verstaan, daardeur gaan hulle te gronde.

Ons kan dus aflei dat die geestelike dinge verborge is vir die wat die evangelie nie verstaan nie.

6. Terwyl ons nou besig is met die geestelike dinge, wil ek ook die volgende noem; Deurdat ons nou sien of verstaan dat die verandering wat ons moet ondergaan, 'n geestelike verandering is, terwyl ons vandag nog tyd daarvoor het, want na ons die natuurlike dood sterf en begrawe is, dan mag dit dalk te laat wees want waar (soos) die boom val so sal dit bly lê, verwys Pred 11:3. Daarom lees ons dat diegene wat nog die natuurlike opstanding van ons liggaam verwag, nog die natuurlike met die geestelike vergelyk. Ek verwys na Joh. 3:3-7; 1Kor. 15:50 "Maar dit verklaar ek, broeders, dat vlees en bloed die koninkryk van God nie kan be-erwe nie; ook be-erwe die verganklike nie die onverganklike nie".

7. 'n Paar voorbeelde van geestelike dinge is;

7.1 Geestelike woorde; Joh. 6:63 "Dit is die Gees wat lewend maak, die vlees is van geen nut nie; die woorde wat Ek tot julle spreek, is gees en is lewe".

7.2 Geestelike spyse; Joh. 6:27, 33, 35 en 51 "Moenie werk om die spys wat vergaan nie, maar om die spys wat bly tot in die ewige lewe, wat die Seun van die mens julle sal gee; want Hom het God, die Vader, verseël".

Vers 33 "En Jesus sê vir hulle; Voorwaar, voorwaar Ek sê vir julle, dit is nie Moses wat die brood uit die hemel aan julle gegee het nie, maar my Vader gee julle die ware brood uit die hemel. Want die brood van God is Hy wat uit die hemel neerdaal en aan die wêreld die lewe gee". Soos ons reeds gesê het, die wêreld is daardie wat nog in die duisternis lewe, of die wat nog nie die geestelike dinge verstaan nie, ook daardie wat nog nie tot God gekeer is het nie.

Vers 35 "En Jesus sê vir hulle; Ek is die brood van die lewe; wie na My toe kom, sal nooit honger kry nie; en wie in my glo, Sal nooit dors kry nie"

Dit beteken wie deel het aan Sy liggaam - die gemeente, of soos die engelse vertaling sê; die kerk - daardie mense sal nooit nodig hê om iets te probeer om te verstaan, aangaande die geestelike dinge of nooit nodig het om dit te soek nie, want dit sal altyd vir hom of haar verkrygbaar wees omdat hy of sy deel aan die liggaam van Christus het. Hy of sy sal nooit dors kry na die evangelie- die lewende water - die geestelike water, nie want dit sal altyd verkrygbaar wees deurdat hy of sy altyd in die breking van die brood bly.

Vers 51 "Ek is die lewende brood wat uit die hemel neergedaal het. As iemand van hierdie brood eet, sal hy lewe tot in ewigheid. En die brood wat Ek sal gee, is my vlees wat Ek vir die lewe van die wêreld sal gee".

lKor. 10:3 "en almal dieselfde geestelike spys geëet het".

Lees ook Heb. 5:13-14.

7.3 Geestelike drank en Geestelike water: Ons het reeds in par. 3 daarvan gemeld. Ons lees nou in Jerem. 2:13 'Want my volk het twee verkeerde dinge gedoen: My, die fontein van lewende water, het hulle verlaat om vir hulle reënbakke uit te kap, gebarste reënbakke wat geen water hou nie".

Lees ook Sag. 14:8.

Jesus sê vir die vrou by die put, "As jy die gawe van God (Naamlik, Christus) geken het en geweet het wie Hy is wat vir jou sê: Gee vir My water om te drink, sou jy Hom gevra het en Hy sou vir jou lewende water gegee het". So lees ons in Joh. 4:10. Lees ook verse 13-14.

Ons kan in lKor. 10:4 gaan lees oor die geestelike drank wat uit 'n geestelike rots - wat Christus is - gedrink is.

7.4 Die saad van Abraham: Gal. 3:16. Ons lees ook in Luk. 8:11 dat die saad die woord van God is.

7.5 Al die gelykenisse: Matt. 13:13, 15 en 51 (die saaier) Mark. 4; Luk. 8 10.

7.6 Die wet: Rom 7:14 "Want ons weet dat die wet geestelik is, maar ek is vleeslik verkoop onder die sonde".

7.7 Geestelike geboorte: Job. 3:3-7; lJoh. 3:9; 4:7 lees soos volg; "Geliefdes, laat ons mekaar liefhê; want die liefde is uit God, en elkeen wat liefhet, is uit God gebore en ken God".

Lees ook lJoh 5:1 en 4 "Want alles wat uit God gebore is, oorwin die wêreld; en dit is die oorwinning wat die wêreld oorwin het, naamlik ons geloof". Soos ons reeds gesien het, hierdie wêreld is al die sondige dinge - sondige vleeslike begeertes, die duisternis, die onverstaanbaarheid - wat ons moet oorwin en vernietig.

7.8 Geestelike genadegawe: Rom. 1:11.

7.9 Geestelike gawes: lKor. 12:1; 14:1 en 12 "Jaag die liefde na, en beywer julle met die oog op die geestelike gawes, maar veral om te profeteer", en vers 12 "So moet julle streef na geestelike gawes, probeer om uit te munt tot stigting van die gemeente".

7.10 Die koninkryk: Mat. 13:52 en veral Luk. 17:20; Baie mense is geneig om hierdie teks verkeerd te verstaan en te vertolk want die koninkryk van God is iets wat geestelik is, en nou word daar verwag dat 'n geestelike gebeurtenis op 'n natuurlike wyse moet plaasvind, maar dit is nie moontlik nie. Dit is hier waar ons die vleeslike mens kry, die mens wat die geestelike nog nie verstaan nie. Die vleeslike mens wil nog die geestelike met die natuurlike vergelyk maar die skrifte waarsku ons juis daarteen, en sê dat ons kan alleen die geestelike met die geestelike vergelyk. D.w.s. ons moet met 'n geestelike oog daarna kyk.

Ek haal 'n gedeelte uit Luk. 17:20 en 21 "Die koninkryk van God kom nie met sigbare tekens nie". Hierdie tekens sowel as die wolk, is geestelike tekens, die tekens wat die koms van Christus in Sy koninkryk voorafgaan waarvan in die skrifte geskrywe is. In vers 21 lees ons "En hulle sal nie sê; Kyk hier! of Kyk daar nie want die koninkryk van God is binne-in julle".

7.11 Die hemel: Joh. 3:13; Efes, 1:3; 2:5-6; Filip. 3:20. Die hemel is nie so vêr as wat sommige dink nie. In die paragraaf hierbo het ons dan gesien dat die koninkryk dan binne-in ons is. Ons lees ook in 'n ander gedeelte van die skrifte dat God het 'n woning in ons gemaak en dit is moontlik want God is Gees, die koninkryk is geestelik en ons het nou 'n geestelike mens geword, deurdat ons nou verander het, ons is wedergeborenes.

Lees ook in Heb. 12:22-24.

7.12 Geestelike woning van God: Mark. 14:58 "Ons het Hom hoor sê, Ek sal hierdie tempel wat met hande gemaak is, afbreek en in drie dae 'n ander een opbou wat nie met hande gemaak is nie".

In lKor. 3:9 lees ons "Want ons is mede werkers van God die akker van God, die gebou van God is julle".

Ons lees verder in verse 16-17 "Weet julle nie dat julle 'n tempel van God is en die Gees van God in julle woon nie?”Vers 17 "As iemand die tempel van God skend; sal God hom skend; want die tempel van God is heilig, en dit is julle".

Ons lees in Efes. 2:20-22 "gebou op die fondament van die apostels en profete, terwyl Jesus Christus self die hoeksteen is, in wie die hele gebou goed saamgevoeg, verrys tot 'n heilige tempel in die Here, in wie julle ook tot 'n woning van God in die Gees".

Ons lees verder in 1Tim. 3:15 dat ons die huis van God is en Christus die Seun, is oor die huis.

1Pet. 2:5 "en laat julle ook soos lewende stene opbou, tot 'n geestelike priesterdom, om geestelike offers te bring wat aan God welgevallig is deur Jesus Christus".

7.13 Geestelike seëninge: Efes1:3 en ook Deut 28.

7.14 Geestelike bruid: 2Kor. 11:2 wat lees "Want ek is jaloers oor julle met 'n goddelike jaloersheid, want ek het julle aan een man verbind, om julle as n reine maagd aan Christus voor te stel'.

Sien ook Efes. 5:27.

In Open. 19:7-8 kan ons lees dat die bruilof van die Lam gekom het en Sy vrou het haar gereed gemaak en dat sy haar beklee met rein blink fyn linne want die fyn linne is die regverdige dade van die heiliges.

Ons kan ook oor die bruid van die Lam in Open. 21:9 gaan lees.

7.15 Geestelike Jerusalem: Gal. 4:26 en ook Heb. 12:22 "Maar julle het gekom by die berg Sion en die stad van die lewende God, die hemelse Jerusalem en tienduisende engele". Die nuwe Jerusalem word in Open. 21:10-27 beskryf

7.16 Geestelike Sodom en Egipte: Verwys na Jes. 1:10; 13:19 en veral in Open. 11:8.

7.18 Geestelike rots: "en almal dieselfde geestelike drank gedrink het, want hulle het gedrink uit 'n geestelike rots wat gevolg het, en die rots was Christus".

Lees ook 1Pet. 2:7.

7.19 Geestelike berg - Sion: Ps. 125:1; 129:5; Sag. 8:3 "So sê die Here; Ek keer terug na Sion en sal midde in Jerusalem woon; en Jerusalem sal genoem word: die stad van trou, en die berg van die Here van die leërskare: die heilige berg". Verwys ook na Ps 24 en Ps 133.

Heb. 12:18-22 "Want julle het nie gekom by 'n tasbare nie en 'n brandende vuur en donkerheid en duisternis en storm en basuingeklank en die geluid van woorde waarby die hoorders gesmeek het dat hulle geen woord meer sou toegevoeg word nie - want hulle kon die gebod nie verdra nie: self as 'n dier die berg aanraak, moet dit gestenig word of met 'n pyl neergeskiet word. En Moses, so vreeslik was die gesig, het gesê: Ek is verskrik en ek sidder. Maar julle het gekom by die berg Sion en die stad van die lewende God, die hemelse Jerusalem en tienduisend engele".

Lees ook Open. 14:1.

7.20 Geestelike brood: Lees Joh. 6:26-27 en ook verse 31-35 "Ons vaders het manna uit die hemel aan hulle gegee om te eet. En Jesus sê vir hulle: Voorwaar, voorwaar Ek sê vir julle, dit is nie Moses wat die brood uit die hemel aan julle gegee het nie, maar my Vader gee julle die ware brood uit die hemel. Want die brood van God is Hy wat uit die hemel neerdaal en aan die wêreld die lewe gee. Toe sê hulle vir Hom: Here, gee ons altyd hierdie brood. En Jesus sê vir hulle: Ek is die brood van die lewe; wie na My toe kom, sal nooit honger kry nie; en wie in My glo, sal nooit dors kry me".

Die volgende verse kan ook gelees word; Verse 41, 48 en 51 "Ek is die lewende brood wat uit die hemel neergedaal het. As iemand van hierdie brood eet, sal hy lewe tot in ewigheid. En die brood wat Ek sal gee, is My vlees wat Ek vir die lewe van die wêreld sal gee". Lees ook vers 58.

7.21 Geestelike mens: Verwys Rom. 7:22 - die innerlike mens.

In lKor. 2:15 "Maar die geestelike mens beoordeel wel alle dinge; ......"

lKor. 3:1 en 14:37 "As iemand meen dat hy 'n profeet of 'n geestelike mens is, moet hy erken dat ek aan julle skrywe, bevele van die Here is".

lKor. 15:48-49, "Soos die aardse mens was, so is ook die aardse mense; en soos die hemelse mens is, so is ook die hemelse mense. En soos ons die beeld van die aardse gedra het so sal ons ook die beeld van die hemelse dra". 2Kor. 4:16 "Daarom gee ons nie moed op nie, maar al vergaan die uiterlike mens ook, nogtans word die innerlike mens dag na dag vernuwe".

Gal. 6:1 "Broeders, as iemand ewenwel deur een of ander misdaad oorval word, moet julle wat geestelik is, so een reghelp met die gees van sagmoedigheid, terwyl jy op jouself let, dat jy nie ook versoek word nie".

Lees ook Efes. 3:16.

7.22 Geestelike liggaam: lKor. 15:44 en 46 " 'n Natuurlike liggaam word gesaai, 'n geestelike liggaam word opgewek. Daar is 'n natuurlike liggaam, en daar is 'n geestelike liggaam". Vers 46 "Die geestelike ewenwel is nie eerste nie, maar die natuurlike; daarna die geestelike".

7.23 Geestelike saad: Verwys na die verklaring van die gelykenis van die onkruid in Matt 13:38 "en die saailand is die wêreld Die goeie saad - dit is die kinders van die koninkryk, en die onkruid is die kinders van die Bose".

In Luk. 8:11 "Dit is dan die gelykenis: Die saad is die woord van God"

7.24 Geestelike dood: Hieruit wil ek die opstanding tentoon stel, want die opstanding waarvan die skrifte ons vertel is nie 'n opstanding van ons natuurlike liggaam nie, m.a.w. die opstanding wat sommige nog verwag om plaas te vind nadat ons natuurlike liggame begrawe is en tot stof terug gekeer het.

Die opstanding waarvan die skrifte meld, is die verandering wat in elkeen moet plaasvind gedurende die wedergeboorte (bekering) en wanneer ons 'n geestelike mens word. Volgens die skrifte is ons dood van wee die sonde, voor bekering en die wedergeboorte, m.a.w. ons word eers die wederopstanding deelagtig wanneer ons wedergebore word en wanneer ons ons tot God bekeer, d.w.s. wanneer die verandering in ons plaasvind soos die skrifte stel dat ons sal verander word. Dit is ook wanneer ons die ou mens afsterwe en ons ons met die nuwe mens beklee - Christus -, na die Beeld van God.

Ek verwys na die volgende tekse wat van hierdie geestelike dood praat. Luk. 9:60; Matt. 8:22; Rom. 8:6; Efes. 5:14 "Daarom sê Hy; Ontwaak, jy wat slaap, en staan op uit die dode, en Christus sal oor jou skyn".

Gaan ook na Hoofstuk 5 wat handel oor die Geestelike Dood.

7.25 Geestelike tempel: Ons het ook reeds van die tempel melding gemaak maar ons kan nou meer duidelikheid kry uit die volgende tekse; Ek verwys eers terug na par.7. 13 onder die opskrif" Geestelike Woning van God" - Hand. 7:48 "Maar die Allerhoogste woon nie in tempels wat met hande gemaak is nie". Ook staan dit geskrywe in Hand.17:24.

lKor. 3:16 "Weet julle nie dat julle 'n tempel van God is en die heilige gees van God in julle woon nie?

Ons lees ook 2Kor. 6:16 "Of watter ooreenkoms het die tempel van God met die afgode? Want julle is die tempel van die lewende God, soos God gespreek het; Ek sal in hulle woon en onder hulle wandel, en Ek sal hulle God wees en hulle sal vir My 'n volk wees"

In Efes. 2:21 kan ons lees dat ons die gebou, die woning van God is, verrys tot 'n heilige tempel in die Here. En ook in vers 22 staan geskrywe dat ons opgebou word tot 'n woning van God in die Gees.

7.26 Geestelike opstanding: Verwys terug na par. 7.23 waar ons onder die opskrif "Geestelike dood" alreeds daaroor melding gemaak het. Ek wil egter nog 'n paar tekse aanhaal. Rom. 6:5; Open. 20:6 Salig en heilig is hy wat deel het aan die eerste opstanding; oor hulle het die tweede dood geen mag nie, maar hulle sal priesters van God en van Christus wees en sal saam met Hom as konings regeer duisend jaar lank".

7.27 Geestelike Jood: Rom. 2:28-29.

7.28 Geestelike besnydenis: Rom. 2:28-29; Fillip. 3:3; Kol.2:11.

7.29 Geestelike swaard: Efes. 6:17 sê vir ons dat die woord van God, die swaard is van die Gees. Ons lees ook in Heb. 4:12 "Want die woord van God is lewend en kragtig en skerper as enige tweesnydende swaard, en dring deur tot die skeiding van siel en gees en van gewrigte en murg, en is 'n beoordelaar van die oorlegginge en gedagtes van die hart.

Ek verwys ook na die volgende tekse; Open. 2:12 en 16; Vers 16 lees soos volg - "Bekeer jou anders kom Ek gou na jou toe en sal teen hulle oorlog voer met die swaard van my mond".

Open. 1:16 "En in Sy regterhand het Hy sewe sterre gehou, en 'n skerp tweesnydende swaard het uit sy mond uitgegaan, en sy aangesig was soos die son wat skyn in sy krag".

7.30 Geestelike voorregte: Rom. 15:27.

7.31 Geestelike tabernakel: Heb. 8:2; 9:1 en 24 verwys na die tabernakel wat nie met hande gemaak is nie. Ons lees in Open. 21:3 "En ek het 'n groot stem uit die hemel hoor sê: Kyk, die tabernakel van God is by die mense, en Hy sal by hulle woon, en hulle sal Sy yolk wees: en God self sal by hulle wees as hulle God.

(Terug na Bo)