Hoofstuk 21

Berg van die Here:


U kan ook deur gaan na die Berg / Sion wat vir u meer tekse en verklarings daaroor gee wat aansluiting vind by hierdie onderwerp, deur net op die woord in blou te kliek.

( Terug na Inhoud )

Ps 133:1-3

1 ¶ 'n Bedevaartslied. Van Dawid. Kyk, hoe goed en hoe lieflik is dit dat broers (Heb 2:11-14) ook saamwoon! (Eenheid 1Pet 3:8 = Liggaam van Christus = toestand van een wees. Rom 12:4-5, maar hoe? Kol 3:12-17).

2 Dit is soos die kosbare olie op die hoof, wat afloop op die baard, die baard van Aäron, wat afloop op die soom van sy klere.(m.a.w. van bo na onder of groot na klein)

3 Dit is soos die dou (benatting is die voedsel) van Hermon wat neerdaal op die berge van Sion (woning, Sy huis) ; want daar gebied die HERE die seën (Ps 24:3-5 en Jer 31:12), die lewe tot in ewigheid!

Wat is hierdie berg van die Here, en waar is dit?

Al die mooi dinge wat God vir my gegee het soos beskrywe in die Bybel, het ek ontvang toe ek my bekeer het en die wedergeboorte proses deelagtig geword het. M.a.w. ek moet dan by God wees om hierdie dinge te kon kry.

Daarom sê vers 1 dat dit mooi en wonderlik is dat broers saam woon, ja die broers, die kinders, die seuns van een Moeder en Vader, gebore uit een liggaam, m.a.w. van een huisgesin. Dat hulle in vrede en liefde met mekaar woon is soos vers 2 dan vir ons wil vertel, dat die Gees van God, die Heilige Gees oor ons almal van bo na onder of van groot na klein, kom of oor ons vaardig word. Dit is soos dou, wonderlike sagte suiwer water wat alles saggies benat, hierdie benatting is die voeding van God oor Sy woning, Sy huis waarin ek 'n deel geword het. Om dus deel daarvan te kan wees, moet ek by God wees, dan sal ek deel kry van die seën, die voedsel, die lewe tot in ewigheid wat niks anders is, as die ewige lewe self nie.

Wat is die ewige lewe dan nou wat ek gekry het?

Kom ons lees 'n paar tekse daaroor;

Johannes 3:36 Hy wat in die Seun glo, het die ewige lewe; maar hy wat die Seun ongehoorsaam is, sal die lewe nie sien nie, maar die toorn van God bly op hom.

Johannes 5:24 Voorwaar, voorwaar Ek sê vir julle, wie my woord hoor en Hom glo wat My gestuur het, het die ewige lewe en kom nie in die oordeel nie, maar het oorgegaan uit die dood in die lewe.

Johannes 5:39 Julle ondersoek die Skrifte, omdat julle meen dat julle daarin die ewige lewe het; en dit is dié wat van My getuig.

Johannes 10:28 En Ek gee hulle die ewige lewe, en hulle sal nooit verlore gaan tot in ewigheid nie, en niemand sal hulle uit my hand ruk nie.

Johannes 17:3 En dit is die ewige lewe, dat hulle U ken, die enige waaragtige God, en Jesus Christus wat U gestuur het.

Hieruit kan ons sien dat dit moontlik is en wel so moet wees dat ons die ewige lewe gekry het en dit moet hê maar die voorwaarde is dan om God te ken. Ek ken iemand alleenlik as ek saam met hom lewe. As ek God wil ken moet ek Hom vind, saam met Hom lewe en Sy voedsel, wat Sy wil is, te doen sodat ek dan hierdie seën kan verkry.

Die skrifte getuig in Jes 1:2 "Hoor, o hemele, en luister, o aarde, want die HERE spreek: Ek het kinders grootgemaak en verhoog, maar húlle het teen My oortree", dat die Here kinders, huisgenote, groot maak en verhoog. Ja, die kinders van God word volgens Sy wil groot gemaak tot die volmaaktheid want hulle word dan na Sy beeld en gelykenis geskape en dit gebeur d.m.v. die wedergeboorte. In hierdie tyd word hulle ook verhoog, want hulle is uitverkies, hulle is nou in die huis van God, waar? In Sy koninkryk, waar Hy regeer en alleen heerser is. Die koninkryk is ook die hemel.

So is dit dan ook geskrywe in Jes 52:13 "Kyk, my Kneg sal voorspoedig wees, Hy sal hoog en verhewe, ja, baie hoog word:, ja die kneg of dienskneg van God is daardie een wat nou die wil van die Vader doen, onder andere om Sy woord en koninkryk te gaan verkondig om daardeur siele te win.

Ons hoor ook dat daar meer as een hemel is want daar word verwys na baie tekse waarin die verwysings na hemele voorkom, daar is ook 'n teks waarna die derde hemel verwys word,

"2 Korintiërs 12:2 Ek weet van 'n man in Christus, veertien jaar gelede--of dit in die liggaam was, weet ek nie, of buite die liggaam, weet ek nie, God weet dit--dat so iemand weggeruk is tot in die derde hemel". Hoe sal ons dan sê? Daar is hemele in die hemel, daar is hemele in die koninkryk van God? Hoe lyk 'n natuurlike berg? Het dit nie hoogtes en laagtes en heuwels nie? Berge bestaan ook mos uit reekse uit. As ons nou sê dat God 'n woning in elkeen van ons gemaak het, "Johannes 14:2 In die huis van my Vader is daar baie wonings; as dit nie so was nie, sou Ek dit vir julle gesê het. Ek gaan om vir julle plek te berei", ja, ons is elkeen op sy eie 'n woonplek van God, m.a.w. 'n berg. Daarom sal hierdie huis, die berg gevestig wees soos in Jes 2:2-3 "2 En aan die einde van die dae sal die berg van die huis van die HERE vasstaan op die top van die berge en verhewe wees bo die heuwels, en al die nasies sal daarheen toestroom. Vers 3 En baie volke sal heengaan en sê: Kom laat ons optrek na die berg van die HERE, na die huis van die God van Jakob, dat Hy ons sy weë kan leer en ons in sy paaie kan wandel. Want uit Sion sal die wet uitgaan en die woord van die HERE uit Jerusalem."

Daarom het God die volk uit Egipteland, ja uit die land van duisternis na die land van melk en heuning, die beloofte land Kanaan gebring en die volgende gesê: "Num 35:34 En jy mag die land waar julle in woon, nie verontreinig nie, omdat Ek daarin woon; want Ek, die HERE, woon in die midde van die kinders van Israel." en dan ook in Jer 3:14 " Keer terug, o afkerige kinders, spreek die HERE, want Ek is heer oor julle; en Ek sal julle neem, een uit 'n stad en twee uit 'n geslag en sal julle in Sion bring. Vers 15 En Ek sal aan julle gee herders na my hart, wat julle sal oppas met kennis en verstand.", hierdie berg van God wat ook Sion genoem word, is die hoogte waarna jy verhoog word waar God is, Jes 33:5 "Die HERE is verhewe, want Hy woon in die hoogte; Hy het Sion vervul met reg en geregtigheid" en Jes 8:18 " Hier is ek en die kinders wat die HERE my gegee het--tot tekens en sinnebeelde is ons in Israel, vanweë die HERE van die leërskare wat op die berg Sion woon"

Hierdie kinders waarvan ons nou deel van is, het God geheilig, ja Hy het ons na Sy beeld en gelykenis geskape en daarom sê Hy vir ons in Mat 5:14-15 die volgende:" Vers 14 Julle is die lig van die wêreld. 'n Stad wat bo-op 'n berg lê, kan nie weggesteek word nie; vers 15 en 'n mens steek ook nie 'n lamp op en sit dit onder die maatemmer nie, maar op die staander, en dit skyn vir almal wat in die huis is. Vers 16 Laat julle lig só skyn voor die mense, dat hulle julle goeie werke kan sien en julle Vader wat in die hemele is, verheerlik.", ja, ons is die lig van die wêreld, die lig van God wat ons ontvang het want Hy is lig en ons is na Sy beeld geskape daarom dra ons die beeld van God uit na die wêreld, ons bring God na die wêreld, ons gaan openbaar God aan hierdie wêreld. Daarom is ons die lig van die stad, die Jerusalem, die Sion wie se lig nie weggesteek kan word nie want die skynsel daarvan verhelder die hele omgewing wat deur duisternis, die wêreld, die Egipteland vervul is. Omdat ons dan ook verlig is, is ons ook die vuur, want God is 'n verterende vuur, "Eksodus 24:17 En die verskyning van die HERE se heerlikheid was in die oë van die kinders van Israel soos 'n verterende vuur op die top van die berg, Deuteronomium 4:24 Want die HERE jou God is 'n verterende vuur, 'n jaloerse God, Hebreërs 12:29 Want onse God is 'n verterende vuur" en so sal ons dus vir God die verbrandings werk, die verlossings werk, die getuienis werk verrig en daardeur sal ons by Hom woon, op die hoogtes, Sy berg want daar is nie plek vir die sondaars, die sondaars wat nie in geregtigheid wil woon nie, die wat dit nie wil aanvaar nie soos die volgende tekse verwys; " Jes 33 vers 14 Die sondaars in Sion bewe, siddering het die roekelose aangegryp. Hulle sê: Wie van ons kan woon by 'n verterende vuur, wie van ons kan woon by 'n ewige gloed? Vers 15 Hy wat in geregtigheid wandel en spreek wat reg is, wat gewin deur afpersinge versmaad, wat sy hande uitskud om geen omkoopgeskenk aan te gryp nie, wat sy oor toestop om van geen bloedskuld te hoor nie, en sy oë sluit om wat sleg is, nie te sien nie-- vers 16 hy sal op hoogtes woon, rotsvestings is sy burg; sy brood word hom gegee, sy water is gewis. Vers 20 Aanskou Sion, die stad van ons feestelike samekoms! Jou oë sal Jerusalem sien as veilige woonplek, as tent wat nie wegtrek nie, waarvan die penne nooit meer uitgeruk word nie en geeneen van sy toue ooit losgeskeur word nie. Vers 21 Maar daar sal die HERE vir ons heerlik wees; dit sal 'n plek van riviere wees, van breë strome; geen vloot van roeiskepe sal daarop vaar nie, en geen trotse skip sal daaroor gaan nie."

Dit is waarom ons dan ook die berg van God is, ons die kerk, ook afsonderlik, want ons het huisgenote van God geword soos in Ef 2:19-22 verwys word; "Vers 19 So is julle dan nie meer vreemdelinge en bywoners nie, maar medeburgers van die heiliges en huisgenote van God, vers 20 gebou op die fondament van die apostels en profete, terwyl Jesus Christus self die hoeksteen is, vers 21 in wie die hele gebou, goed saamgevoeg, verrys tot 'n heilige tempel in die Here, vers 22 in wie julle ook saam opgebou word tot 'n woning van God in die Gees."

Die rede is dan ook duidelik soos in Jes 33:14 na verwys is maar ook word dit in die volgende teks bevestig dat die gemeente, die kerk, die huis van God is, nie die gebou nie maar die mense self. 1Tim 3:15 “Maar as ek vertoef, dan kan jy weet hoe iemand hom moet gedra in die huis van God, wat die gemeente is van die lewende God, 'n pilaar en grondslag van die waarheid."

Maar God stel dit duidelik dat ons nie 'n natuurlike denkende moet wees nie en daardeur na 'n natuurlike berg en woning moet soek nie maar na 'n geestelike toestand en woning want God is geestelik daarom verwys die skrifte ook dat dit nie tasbaar is nie; "Heb 12: 18-22 vers18 Want julle het nie gekom by 'n tasbare berg nie en 'n brandende vuur en donkerheid en duisternis en storm vers 19 en basuingeklank en die geluid van woorde waarby die hoorders gesmeek het dat hulle geen woord meer sou toegevoeg word nie-- vers 20 want hulle kon die gebod nie verdra nie: selfs as 'n dier die berg aanraak, moet dit gestenig word of met 'n pyl neergeskiet word. Vers 21 En Moses, so vreeslik was die gesig, het gesê: Ek is verskrik en ek sidder. Vers 22 Maar julle het gekom by die berg Sion en die stad van die lewende God, die hemelse Jerusalem en tien duisende engele, vers 23 by die feestelike vergadering en die gemeente van eersgeborenes wat in die hemele opgeskrywe is, en by God, die Regter van almal, en by die geeste van die volmaakte regverdiges,"

So wil ek u dan ook na die nuwe en hemelse Jerusalem verwys wat dan nou deur God gemaak is waarvan ons dan nou 'n deel is, huisgenote van God. Verwys u na Op 21 veral tekse 1-7 en 9-10.

"1 ¶ En ek het 'n nuwe hemel en 'n nuwe aarde gesien, want die eerste hemel en die eerste aarde het verbygegaan; en die see was daar nie meer nie.

2 En ek, Johannes, het die heilige stad, die nuwe Jerusalem, sien neerdaal van God uit die hemel, toeberei soos 'n bruid wat vir haar man versier is.

3 En ek het 'n groot stem uit die hemel hoor sê: Kyk, die tabernakel van God is by die mense, en Hy sal by hulle woon, en hulle sal sy volk wees; en God self sal by hulle wees as hulle God.

4 En God sal al die trane van hulle oë afvee, en daar sal geen dood meer wees nie; ook droefheid en geween en moeite sal daar nie meer wees nie, want die eerste dinge het verbygegaan.

5 En Hy wat op die troon sit, het gesê: Kyk, Ek maak alles nuut. En Hy het aan my gesê: Skryf, want hierdie woorde is waaragtig en betroubaar.

6 En Hy het vir my gesê: Dit is verby! Ek is die Alfa en die Omega, die begin en die einde. Aan die dorstige sal Ek gee uit die fontein van die water van die lewe, verniet.

7 Hy wat oorwin, sal alles beërwe; en Ek sal vir hom 'n God wees, en hy sal vir My 'n seun wees.

En

9 ¶ En een van die sewe engele wat die sewe skale gehad het, vol van die sewe laaste plae, het na my gekom en met my gespreek en gesê: Kom hierheen, ek sal jou die bruid toon, die vrou van die Lam.

10 En hy het my in die gees weggevoer op 'n groot en hoë berg en my die groot stad getoon, die heilige Jerusalem, wat uit die hemel van God neerdaal;"

Maar dit eindig nie hier nie want as ons terug gaan na waar Abraham sy enigste erfgenaam moes gaan offer, hy moes hom neem na 'n plek, 'n berg wat deur God aangewys sou word, maar ons sal sien dat daar eers na hierdie plek as 'n land verwys word, Gen 22: 2 " Toe sê Hy: Neem jou seun, jou enigste, wat jy liefhet, Isak, en gaan na die land Moría en offer hom daar as brandoffer op een van die berge wat Ek jou sal aanwys" waar daar dan 'n sekere berg aan hom uitgewys sou word, hierdie land is 'n reeks berge, soos ons reeds voorheen bespreek het. Toe hulle die plek gevind het, het Abraham die plek 'n naam gegee, in vers 14 " En Abraham het dié plek genoem: Die HERE sal voorsien! Sodat vandag nog gesê word: Op die berg van die HERE sal dit voorsien word." en ons sal agterkom dat daar in hierdie teks verwys woord na die berg van die Here en dat daar deur die Here voorsien sal word, net soos die geval wat ons by Ps 133 gevind het. Ons sal ook agterkom dat daar in baie gedeeltes na die berg van die Here, die berg van God, die heilige berg en heelwat ander name verwys word, maar onthou net dit, dat daar is net een berg van God, en dit is waar die hemel, die koninkryk en woning van God is.

Ons sal ook sien dat Moses het by die berg van God uitgekom in Ex 3:1 “En Moses het die kleinvee opgepas van sy skoonvader Jetro, die priester van Mídian. En toe hy die kleinvee agter die woestyn gedryf het, kom hy by die berg van God, by Horeb. Vers 2 Daarop verskyn die Engel van die HERE aan hom in 'n vuurvlam uit 'n doringbos. En toe hy weer sien, brand die doringbos in die vuur, maar die doringbos word nie verteer nie!"

Ons het ook in Jes 2:2-3 gesien dat hierdie berg van die Here, ook die huis van God is en dat daar ook verwys word na Sion. So sien ons ook dat die Here aan Aäron sê om na Moses in die woestyn na die berg van God moes gaan, "Ex 4:27 Die HERE het ook aan Aäron gesê: Loop Moses tegemoet in die woestyn. En hy het geloop en hom by die berg van God aangetref en hom gesoen", nog steeds dieselfde berg. Daarom kom die skrifte in Ps 24:3 en vra die vraag; “vers 3 ¶ Wie mag klim op die berg van die HERE? En wie mag staan in sy heilige plek? Vers 4 Hy wat rein van hande en suiwer van hart is, wat sy siel nie ophef tot nietigheid en nie vals sweer nie. Vers 5 Hy sal seën wegdra van die HERE en geregtigheid van die God van sy heil." en gee ook die antwoord dat hy wat skoon en rein is, ja hy wat gereinig is. Hou ingedagte dat hierdie gebeurtenisse nie van toepassing is die dag as ons nie meer in die natuurlike liggaam is nie, maar dat dit reeds nou van toepassings is. Ons sien dan weereens dat die seën verkry sal word daar op die berg by God maar indien jy gereinig is, maagdelik is, dan alleenlik kan ons in Sy paaie wandel en in Sy wet, gebod, insettinge en verordinge wandel.

Kom ons kyk ook na nog 'n ander geval in Ps 76:2 " Ook het in Salem sy tent verrys en in Sion sy woning", ja, hier sal ons sien dat daar word verwys na Salem, dit is waar Abraham vir Melgisédek die koning van Salem ontmoet het, Salem beteken vrede maar ook Jerusalem. Nou sien ons dat sy tent verrys en sy woning is in Sion, die berg, Salem en Sion en Jerusalem is dieselfde plek. Maar in Joh 14:23 sê Jesus "Jesus antwoord en sê vir hom: As iemand My liefhet, sal hy my woord bewaar, en my Vader sal hom liefhê, en Ons sal na hom toe kom en by hom woning maak", ja dat God en Christus by ons 'n woning sal maak en so ook in Op 21:3 " En ek het 'n groot stem uit die hemel hoor sê: Kyk, die tabernakel van God is by die mense, en Hy sal by hulle woon, en hulle sal sy volk wees; en God self sal by hulle wees as hulle God". Waar is die berg van God, die berg Horeb, die berg Sion, die Jerusalem, die Heilige berg? Kom ons gaan verder en lees Sag 8:3 "So sê die HERE: Ek keer terug na Sion en sal midde-in Jerusalem woon; en Jerusalem sal genoem word: Die stad van trou, en die berg van die HERE van die leërskare: Die heilige berg." en Jes 12:6 " Juig en jubel, o inwoners van Sion! Want die Heilige van Israel is groot in julle midde.” dit is in ons midde, in ons. Waar is die berg Moría? Kom ons lees nou 2Kron 3:1 "En Salomo het die huis van die HERE begin bou in Jerusalem op die berg Moría waar Hy aan sy vader Dawid verskyn het, op die plek wat Dawid reggemaak het op die dorsvloer van Ornan, die Jebusiet." Ja, hy het die huis, die kerk, die gemeente begin bou op die berg waar Abraham sy seun moes gaan offer. Maar hierdie berg is nie 'n natuurlike berg nie want ons sien dat God woon in die mens, in Sy gemeente, die kerk, die versameling van rein, skoon en heiliges waar geen vreemdes meer sal wees nie, verwys Joël 3:17" Dan sal julle weet dat Ek die HERE julle God is, wat woon op Sion, my heilige berg; dan sal Jerusalem 'n heiligdom wees waar geen vreemdes meer deur sal trek nie." Ja hierdie Jerusalem wat gebou is op die fondament van die apostels, profete en waarvan Christus die hoeksteen is, die gebou van God wat 'n heilige tempel en 'n woning van God in Gees is, soos Ef 2:21-22 vir ons reeds uitgewys het en ons ook gesien het in Op 21:10 " En hy het my in die gees weggevoer op 'n groot en hoë berg en my die groot stad getoon, die heilige Jerusalem, wat uit die hemel van God neerdaal;" Ja, soos Jes 2:2 sê van die huis van die Here wat vasstaan op die top van die berge en verhewe is bo die heuwels en dat almal daarheen sal stroom. Ja, ek moet hulle ook na my trek soos die lig die mot sal trek na hierdie hoogte sodat hulle deel kan word van hierdie land, Moría.

God het hierdie land, wat ook genoem word, Kanaan die land van melk en heuning daargestel sodat die land Egipte, oorwin kan word, hierdie Egipteland van duisternis en sonde.

( Terug na Bo )